Riwaitant (codjowaedjes)
El riwaitant u li rwaitante, ezès codjowaedjes do walon, c' est l' 3inme djin do singulî.
Dabôrd on lomrè riwaitants et riwaitantes li 3inme djin do pluriyal.
Li dobe codjowaedje des rwaitant(e)s di l' indicatif et do suddjonctif prezintrece
[candjî | candjî l’ côde wiki]
- Loukîz eto :cawetes -èt et -nut
Pol cawete des rwaitants di l' indicatif prezintrece, on-z a ritnou deus cawetes di codjowaedje, ki rascovrèt les cénk mwaissès disfondowes k' i gn a el Walonreye. Metans, pol viebe bouter:
- Zels, i boutèt
ki rprezinte li pus lådje oyowe, modele finixhant e voyale (disfondowes: -èt, -ant, -at).
- Zels, i boutnut
ki rprezinte ene ôte codjowaedje, foirt tipike, et k' est eployî a Nameur et Tchålerwè, modele avou on stitchî N divant ene finåle e voyale (disfondowes: -nut, -nèt).
Li suddjonctif prezintrece si fwait tot radjoutant ene deujhinme cawete -xhe ås cawetes di l' indicatif prezintrece. Les T d' croejhete et l' accint sol droete tcheynut. On-z årè:
- Zeles, i fåt k' ele boutexhe.
- Zeles, i fåt k' ele boutnuxhe.
A noter eto ki, po les råles viebes k' i gn a avou troes bodjes (come vini), les fômes avou -nut/-nuxhe eployèt li troejhinme bodje (eto eployeye po les troes prumirès djins do suddjonctif): dji vén, nos vnans, i vnèt, i vegnnut; ki dji vegne, ki nos vnanxhe, k' i vnexhe, k' i vegnnuxhe.