Roemiaedje

Èn årtike di Wikipedia.
Pol discramiaedje des årtikes avou l' mot « Roemiaedje », loukîz cial.

Po des linwincieusès racsegnes sol mot "roemiaedje", alez s' vey sol Wiccionaire

berbis årdinwesse ki roemeye

Li roemiaedje ou rimawiaedje, c' est l' rimontaedje di l' amagnî del panse, po-z esse rimawyî dins l' boke, et pu esse ravalé. L' amagnî ki rmonte et ridischinde insi si lome li roeme.

Les biesses ki fwaiynut çoula sont lomêyes des roemiants.

Rotaedje del rmawiaedje[candjî | candjî l’ côde wiki]

Li rmawiaedje ni rote ki paski les roemiants ni maweynut nén l' amagnî. Foiravant k' i n' ont nén l' tins, todi a l' awaite d' on magneu d' tchå k' elzè vénreut scroter.

Li yebe, waire kibroyeye, arive dins l' panse. Les gros bokets dimornut å dzeu. C' est zels ki vont stombyî des rcuveus d' messaedje do costé do trô d' arivêye di l' avala (cardia), ki s' drouve å moumint ki l' panse (et l' bounete) si rastrindèt, et fé rmonter l' roeme.

Les gros bokets ni sårét passer el moliete (vraiy stoumak) a cåze do cint-fouyas (li troejhinme potche del pansreye) ki fwait come ene passete.

Roemiaedje et rispoizaedje[candjî | candjî l’ côde wiki]

Les roemiants roemeynut purade del nute. C' est por zels ene sôre di dmey doirmaedje.

Dizôrnances do roemiaedje[candjî | candjî l’ côde wiki]

On roemiant ki n' roemeye pus, c' est k' il est malåde. Li roemiaedje est don on fel sene di boune santé.

Les roemiants ni rnådèt nén come les ôtes biesses ås tetes, poy ki l' ovraedje a l' evier do buzea d' avalaedje et normå por zels. Mins i polnut leyî rtchaire li roeme dins sacwants maladeyes.