Rompeure ås biesses

Les rompeures si veyèt eto sovint dins les aclevåvès biesses.

ås bovrins

rompeure botroûlrece ås veas

Li rompeure botroûlrece si rescontere cobén ås veas. Ele si voet après sacwants djoûs, cwand l' coirdea d' botroûle a souwé.

Les rompeures simpes, k' on n' î sait passer k' on doet, si polèt rfé tote seules, cwand l' vea va cmincî a magnî do fôraedje (a deus, troes moes). Adon, li panse si va diswalper, et vni ristoper l' anea del rompeure.

Cwand on sait passer dipus k' on doet, waire di tchance ki ça si rmete tot seu. I fåt operer divant l' ådje di deus moes ca après, li trô rompurrece divént trop grand. Adon, cwand l' fi d' rakeudaedje fond, on moes après l' operåcion, li rompeure rivént, co pus grande ki dvant. Paski l' operåcion a-st agrandi l' anea rompurrece.

Les rompeures ki vont avou ene botroûlite avanceye ni s' voeynut nén todi. Plamour k' on n' pout nén ritchôkî li contnou dins l' vinte, come po ene casseure simpe. Ci n' est k' tot trawant li clå botroûlrece k' on va trover les boyeas et l' toele vintrinne ådvins.

On vea pout viker avou ene lådje rompeure disca l' ådje d' abataedje timprou (10 a 12 moes). Mins si l' anea si rclôt, et resserer on boket d' boyea (sitronnêye drompeure), li biesse creve après deus troes djoûs.

après razaedje

Drompeures sidjreces

Li rompeure sidjrece si rescontere foirt rålmint dins les vatches.

Diastasis recti

C' est l' manke di sôdaedje des musses del paroeze vintrinne veyåve å vea djusse sikepyî (rescontré come maladeye di nexhance dins l' raece Bleu Blanc Walon.