Royå Olympic Club di Tchålerwè
Li Royå Olympic Club di Tchålerwè, c' est ene ekipe di fotbale ki vént Walonreye. Cist ekipe la a stî askepieye e 1911, minme k' il est noté so s'-n' essegne l' anêye « 1912 ». Li ståde do club est a Montgneye-so-Sambe ey i s' lome li « Ståde del Nouveye ». Les sopoirteus eyet les djouweus sont lomés les « Dogues ».
Idintité
[candjî | candjî l’ côde wiki]Les sopoirteus eyet les djouweus sont lomés les « Dogues ». Asteure, ene miete come ès rivå, l' Esportigne di Tchålerwè, l' Olympic a deus principåles coleurs : li noer eyet li blanc.
Tins d' ses deus prumîs ans d' vicåreye, ciste ekipe ci aveut l' måve ey el blanc come coleurs. Pindant l' dijhnêye 1970, li prezidint, Jacques Lamotte, ercandja li noer avou l' rodje, tot wårdant l' blanc. C' ît padvant les rebanaedjes di 1977, cwand Montgnêye-so-Sambe ere co ene comene otonome.[1] Ces deus coleurs ci sont les cis d' cist ancyin ptit ban la.
Istwere
[candjî | candjî l’ côde wiki]Li Royå Olympic Club di Tchålerwè a stî metou so pî a Lodlinsåt. El no di l' ekipe, a l' epoke, c' esteut « Caroloregian Lodelinsart Club Olympique ». Dispu, l' Olympic a sovint candjî d' no, foiravant avou les rebanaedjes avou d' ôtès ekipes.[2]
Tins do waeyén-tins 2011, l' Olympic aveut pou må d' riployî haerna ey adon di disparexhe a l' Union bedje.[3] Li Tribunå do comiece aveut prononcî l' foû-minaedje, cåze des cwitances k' i dveut eyet ki passer houte 360.000 €.[4] L' esté k' a shuvou, l' ekipe aveut stî rprindowe po ricmincî a zero.[3]
E 2019, l' estance del boursete des Dogues esteut mwaijhe. Il ont manké co d' erployî haerna.[5] C' est a ç' moumint la ki l' Olympic s' rebana avou ene ekipe, k' est leye-minme l' erzultat d' èn ôte rebanaedje : l' Espôrtigne Tcheslet-Fårcene.[6]
Après awè passé des ans eyet des razans ådzo, l' Olympic di Tchålerwè rva djouwer dins l' deujhinme divizion do fotbale bedje.[7] Come di djusse, il a stî tchampion do tchampionat di troejhinme divizion do costé walon.[8] Avou l' montêye, les Dogues doevnut co mwaisse-rifé leu ståde po convni åzès rîles. Si e cas, l' Esportigne di Tchålerwè vout bén louwer el ci da lu conte 80.000 € å matche.[7]
Hårdêyes difoûtrinnes
[candjî | candjî l’ côde wiki]Referinces eyet sourdants
[candjî | candjî l’ côde wiki]- ↑ https://olympic-charleroi.be/histoire/
- ↑ https://www.dhnet.be/regions/charleroi/2016/04/20/le-rocc-dit-adieu-a-son-m-C76YMN7MVBEJFBV5STA5N2GAOM/
- 1 2 https://www.7sur7.be/football-belge/catastrophe-pour-l-olympic-charleroi~a5011c70/
- ↑ https://www.rtbf.be/article/olympic-de-charleroi-faillite-prononcee-devant-le-tribunal-de-commerce-6888433
- ↑ https://www.telesambre.be/sport/exclusif-lolympic-charleroi-evite-la-faillite-ce-matin/29189
- ↑ https://www.walfoot.be/news/2019-02-12/le-president-de-chatelet-farciennes-fait-le-point-sur-le-dossier-de-fusion-avec-lolympic-charleroi
- 1 2 https://www.rtbf.be/article/la-neuville-amenagee-pour-la-d1b-le-nouveau-coup-de-main-de-romeo-a-l-olympic-charleroi-11535061
- ↑ https://www.sudinfo.be/id992769/article/2025-05-04/en-video-voici-le-de-la-montee-en-d1b-de-lolympic-de-charleroi-signe-roman