Sanctuwaîre galo-romin do bwès dès Noyés

Èn årtike di Wikipedia.
Aller à la navigation Aller à la recherche
Flag of Wallonia.svg
Cisse pådje ci est scrite e walon mins nén e rfondou, vos nos ploz aidî, clitchîz sol loyén « candjî l' pådje » po li riscrire e rfondou.

Li sanctuwaîre do bwès dès Noyés, c' est ene ancyinne plaece di pratike d' ene rilidjon do timps di l' Impire romin si trovant dins l' comene di Dweche, etur les viyaedjes di Fagnole, di Doûbe eyet di Matagne, dins l' province di Nameur.

Nos li trovans dins l' bwès des Noyés (udobén Tiene des Noyés), metou dins l' administråcion d' Matagne (pus recta l' Grande Matagne).

Ci sanctuwaîre ci a stî discovrou e 1833 eyet fouyî foirt tènemint pol prumî côp e 1893. Deus ôtes fouyadjes ont stî fwaits e 1975 eyet 1991.

Fouyadjes èt datadje[candjî | candjî l’ côde wiki]

Li prumî fouyadje è 1893 mostère lès restants d’on batumint en rèctangue èt dès bric èt broc qui, dins l’ timps, ont stî daté dès IIe et IIIe siékes après l’ Crisse. C’è-st-è 1975, au deûzyinme fouyadje, qu’on discouvîye li gros do sanctuwaîre, avou on rèclôs d’ 66 âres wou ç’ qu’i-gn-a trwès batumints au total au d’dins. D’ôtès structûres sont-st-èto discouviè tot-autoû.

Di cès deûs prumîs fouyadjes, lès cacheûs pinsinn sawè r’monter lès travaus di ç’ sanctuwaîre èviè l’ momint do Wôt-Empîre (27 divant l’ Crisse – aviè IIIe-IVe siéke après l’ Crisse). Mins lès caurs èt lès mastokes ritrovés su lès lieûs (± 1000) chonenut nos dîre qu’i-gn-a yeû pont nin d’ocupâcion divant l’ comincemint do IVe siéke après l’ Crisse.

Tortos choneut d’acôrd po dîre qu’i-gn-aveut yeû dès travaus pa deûs côps. Li sanctuwaîre aveut don stî bâti on prumî côp, adonpwis r’bâti doubin ragrandi.

Culte[candjî | candjî l’ côde wiki]

Èco audjoûrdu, nos n’ p’lans nin dîre rècta quî èstint lès diès priyîs dins ç’ sanctuwaîre. S’apinse André Robert, dirècteûr des fouyadjes di 1975, c’èsteut quétefîye on sanctuwaîre loyî au culte dès-aîwes, fwârt impôrtant dins l’ rilijion dès Gayèls. Mins asteûre, dispû lès dérins fouyadjes, i-gn-a pupont d’ preûves po d’aler dins ç’ sins. Saqwantes pinsenut veûy on sanctuwaîre po Mèrcûre mins rin a stî trover po-z-aspoyî ç’ téyorîye. Li seûle afaîre qu’a stî r’trover p’lant nos fé pinser apârtinu à on culte, c’è-st-on sclat d’ casse, fiant tûzer doubin à Minêve, doubin à Maus’.

Hårdêyes difoûtrinnes[candjî | candjî l’ côde wiki]