Schinlaedje

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "schinlaedje", alez s' vey sol Wiccionaire

Banslî ki fwait des tchenas d' schinon

Li schinlaedje, c' est li fjhaedje di schinons a pårti d' côres (baguetes di côrî.

Adon-pwis, avou les schinons, on fjheut des tchenas des mandes et des coirbeyes, tos ovraedjes di banselreye.

Tchena d' schinon, avou l' oraye

Codaedje des côres[candjî | candjî l' côde wiki]

Les schinleus alént å bwès e l' erî-såjhon po code des côres ou schinlires. C' est des baguetes di côrî, belzè droetes, ni trop djonnes ni trop viyes ; dijhans des rdjets di 2 a 4 ans. I fåt aler ås côres cwand les noejhes sont sweres (djaenes-brunes) et schayetes (k' ele si drovèt d' zeles-minmes et toumer).

Hazixhaedje[candjî | candjî l' côde wiki]

On meteut les fas d' schinlires al gregne po les leyî hazi (souwer tot doûçmint), por zeles divni bén coriantes. Elle î dvént dmorer troes a cwate samwinnes.

Schinlaedje[candjî | candjî l' côde wiki]

On fwait on prumî acrén a ene aspagne (15 20 cm) do dbout del côre. Pu on-z avance avou on coutea tins k' on ploye li côre so li djno po l' fé pårti. Pu porshure tot do long del côreye, po-z aveur on schinon di troes cwate metes long.

Cwand on-z a yeu l' prumî schinon, on atake li deujhinme pu les ôtes (4 ou cénk, todi).

Descrijhaedje des schinons[candjî | candjî l' côde wiki]

On schinon est 8 a 10 milimetes lådje et troes cwate metes long. Gn a des beas, sins nuk, del minme sipexheur, et des cis k' ont moussî dins l' bwès ou ndè sôrti (sovint des trop djonnès côres, ou des côrîs d' fagne). C' est po ça k' i les faleut rewaler tot raezant les pus spès.

Sourdants[candjî | candjî l' côde wiki]