Scweron

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "scweron", alez s' vey sol Wiccionaire

oidje (a hintche) et scweron (a droete)

Li scweron, k' on lome co bén oidje d' ivier, c' est ene sôre di oidje ås shijh rindjeyes di sminces (li påte est ronde).

No d' l' indje e sincieus latén : Hordeum vulgare hexastichum

Rindjmint sincieus[candjî | modifier le wikicode]

Li scweron aveut stî metou pa Carl von Linné come ene espece a pårt, dizo l' no e sincieus latén di Hordeum hexastichon, mins enute on l' considere come ene dizo-indje del comone oidje (Hordeum vulgare).

Istwere[candjî | modifier le wikicode]

Li scweron esteut, dins l' Antikité, li sôre di oidje li pus cultivêye; on nd a rtrové des påtes dins les tombales des farawons d' Edjipe.

Dinêyes sol dinrêye[candjî | modifier le wikicode]

On eploye li scweron copurade po dner a magnî åzès biesses, soeye-t i dizo l' cogne di grinnes, soeye-t i come farene (maxhî avoi ds ôtes alimints, come complemint), soeye-t i come fôraedje (adon li plante est fåtcheye divant k' les grinnes ni soeyexhe totafwait maweures).

On pout eto eployî les grinnes come ingredyint dins les brassenes, copurade po les bires a hôt fermintaedje; mins c' est moens eployî kel oidje di printins.

Asteure, a pårti des anêyes 2000, gn a des oidjes d' ivier a deus rindjeyes di sminces, et ki tnèt l' côp al djalêye.