Setès croes

Les setès croes ou set croes, c' est 7 mehins k' årént les caléns leu-n åme etur li moirt et l' dierin djudjmint.

Sourdant

On ndè cåze dins l' Bibe, å 4e live d' Esdrasse, tchaptrê 8 (po ls Etiopyins, li 6).

Les setès croes, c' est:

1. di s' rinde conte k' on n' a rén roté droet;
2. di n' nén sawè disfé et rfé l' må k' ons a fwait;
3. di sondjî å paradis k' on n' årè nén;
4. di sondjî a l' infier k' ons årè;
5. di vey l' aweur des cias k' ont bén fwaît;
6. di wåler disk' å dierin djudjmint;
7. d' esse ahonti.

Spårdaedje di l' atuze

Ces set tourmints la ont stî rprins pa sint Ambrôjhe dins s' live Rapoirt al boune moirt, ki c' est avou ç' live la ezès mwins ki les curés d' Walonreye pretchént rapoirt al moirt.

Did la, li ratourneure walone : «vey les set croes».