Shuvion apoistolike
Li shuvion apoistolike ou shuvion des vekes (sapinse Afanassieff), c' est l' pratike des vekes esse avekés todi påzès mwins des ôtes vekes esse metowes sor zels, et tot sifwaitmint, dispoy les apoisses. Po les sacramints esse d' adroet, sapinse li teyoreye, i lzî fåt esse fwaits avou des priyesses k' ont stî apriyestés pås vekes do shuvion apoistolike.
Les Eglijhes pår protestantes ni croeynut nén k' i fåt awè des vekes, ni shuvion apostolike nerén.
Les Eglijhes k' ont, zeles, li creyance do shuvion apostolike, ele ricnoxhnut l' cea des ôtès Eglijhes, ou ele n' el ricnoxhnut nén.
L' Eglijhe Rominne Catolike
[candjî | candjî l’ côde wiki]Po l' shuvion apostolike esse d' adroet, sapinse l' Eglijhe Rominne Catolike et bråmint des Eglijhes do Levant, i va s' i gn a djusse des vraiys vekes ki metnut leus mwins so l' electé, dire les priyires, ey awè l' volté d' aveker. Po l' fé, fåt k' i gn euxhe troes vekes (mins i va avou fok onk s' on n' pout nén nd awè troes), mins nén dandjî des fideles, et k' l' electé come les vekes k' avecnut fouxhnuxhe tertos les omes. Ey on rconoxhe les ôtes ordinåcions k' ont shuvou les minmès rîles, minme si les djins sont eretikes.