Sicrirece

Èn årtike di Wikipedia.
Potchî a: naiviaedje, cweri

Ene sicrirece (on dit eto : ene imprimante), c' est ene machine raloyeye a ene copiutrece et ki mete les fitchîs so papî.

Les scrireces ont-st avnou sol martchî do grand publik å cminçmint des anêeys 1990. Mins elle estént co foirt tchires.

Ci n' est k' diviè 1995 ki les pris ont baxhî, et esse atchtåve pa tolminme kî k' aveut ene éndjole e s' måjhone.

Bråmint des ovraedjes d' imprimreye sont asteure fwaite avou des éndjoles et des scrireces dins les buros et les måjhones.

Po des linwincieusès racsegnes sol mot "scrirece", alez s' vey e splitchant motî.

Sôres di scrireces[candjî]

  • sicrirece ås aweyes : "foû vî" sistinme (1985-1990), avou on ruban ki toûne, et des awiyes kel vinèt trawer. Gn a ddja yeu des rubans avou des coleurs, mins ça costéve foirt tchir.
  • sicrirece a djet d' intche (on dit eto : a stritchaedje) : c' est on stritchaedje d' intche ki fwait imprimaedje. Eto, li foye, cwand ele rexhe, ni doet nén esse moyeye, ca ça taetche. Elle ont divnou foirt bon martchî diviè 2000, mins les cartoxhe di rtcherdjaedje sont co foirt tchire (ossu tchire kel machine leye-minme).
  • sicrirece lazer: minme sistinme ki les fotocopieuses. Li cartoxhe di rtchedje pout imprimer sacwnats meyes di foyes. Li machene est pus tchire ki les cenes a l' intche, mins c' est meyeu martchî a l' eployaedje.