Sint

Èn årtike di Wikipedia.
Potchî a: naiviaedje, cweri

On sint, ene sinte, c' est ene djin k' a beacôp fwait do bén dins s' veye, et k' est ricnoxhowe come tele pås djins d' avårla.

Les sints sont fiestis dins des tchapeles. Les crustins (mins nén les muzulmans ni les Djwifs) endè fjhèt des posteures, et les pondes so des tåvleas.

Dinltins, el Walonreye, po dmander ene faveur a on sint, on lyi "prometeut l' voye". Dj' ô bén k' on prometeut d' aler a pî e perlinaedje a s' tchapele.

Les sints d' glaece, c' est des (mitan) vraiys sints, ki racsegnnut so ene termene meteyolodjike do moes d' may el Walonreye.

Les sints fiestis el Walonreye sont metous so ene pådje a pårt.

Eglijhe catolike[candjî]

Po esse ricnoxhous come tés, i dvèt aveur sitî canonijhîs.

Loukîz a Pere di l' Eglijhe.

Eglijhe ortodosse[candjî]

N a bråmint des dessinaedjes di sints dins les eglijhes ortodosses (metans, el Walonreye, a Tchevtogne.

Islam[candjî]

Les sints sont lomés e l' arabe wali saleh (on statut ricnoxhou dins l' Alcoran). Sacwantès uzances, purade e l' Afrike bijhrece, lezî ricnoxhèt li polance di rinde pus åjhey les priyires di dmande å Bon Diu. Tolminme, bråmint des corants sunites, inte di zels les Wahabites, ni ricnoxhèt nén les perlinaedjes ås sints. Les Chiyites sont pus adûs a fé l' voye po les sints, metans, a l' imam Hosseyn.

Djudayisse[candjî]

E Marok, sacwants sints sont ricnoxhous a feye pa les Muzulmans et pa les Djwifs.