Sistinme solrece
Li sistinme solrece comprind l' Solea eyet les ôtes coirs cîryins aloyîs a lu pal gravitåcion: les ût boles avou leu pus ki cint lunes (kinoxhowes pol djoû d' oûy), nouv nintès boles eyet leus lunes (kinoxhowes pol djoû d' oûy) eyet co des miyårds d' ôtes coirs pus ptits (des coirs del cingue da Kuiper, des stoeles a cowe, del poussire, evnd.)
Tot nd alant del mitan a l' ådfoû, on trouve li Solea, les cwate divintrinnès boles (Mierkeure, Venusse, Tere, Måss), ene cingue d' asteroyides (come 1 Ceresse, 2 Palasse, 4 Vesta, 10 Idjeye &c.), les cwate boles gåzreces (Djupiter, Satûne, Uranusse, Neptune u Nûton), ene deujhinme cingue d' asteroyides (lomêye li cingue da Kuiper, avou Orcusse, Pluton, Salaceye, Haoumeya, Cwawår, Makémaké &c.). Houte del cingue da Kuiper, gn a co des nintès planetes (Gongogne, Erisse, Sedna, et seur co ds ôtes nén co veyowes), l' éliopoize eyet li nûlêye d' Oort.
Nosse sistinme solrece si trouve dins l' galacseye del Voye sint Djåke, k' est a pô près 100.000 anêyes loumire lådje et k' on-z î trouve a pô près 200 miyårds di stoeles. Nosse sistinme si trouve dins onk des dfoûtrins bresses del galacseye (li bresse d' Orion).
On dit a feyes "sistinme solrece" po des sistinmes k' ont come aisse ene ôte sitoele kel solea.