Georges Themelin

Èn årtike di Wikipedia.
(Redjiblé di Sistinme Themelin)

Georges Themelin, c' est on diccionairî do gåmès.

Il a skepyî a Dampicoû li 9 di djulete 1942. Il a morou a Sint-Må-dlé-Vierton li 23 d' octôbe 2021.

Di s' mestî, il esteut mwaisse di scole.

Ouve pol gåmès[candjî | candjî l’ côde wiki]

I va mete so pî des shijhes e gåmès avou ls efants.

E 1999, il eplaide si prumî motî francès-gåmès, ki serè recråxhî et redité e 2020 pa Jean-Luc Geoffroy, pu metou so les fyis e 2021.

Il a scrît deus lives:

  • A l' ombe do vî tiyoû (A l'ombe don vî tillu), k' end a deus tômes.
  • Les 5 saisons.

Sistinme ortografike Themelin[candjî | candjî l’ côde wiki]

Dins si motî francès-gåmès, i sieve ene ortografeye a pårt, ki serè rprinjhe pa Jean-Luc Geoffroy dins s' coleccion d' lives e gåmès «Ma p'tite édition» et k' on rahouke voltî dizo l' alomåcion di sistinme Themelin.

Il î wåde les dobe cossounes come e francès.

Egzimpe di tecse sicrît e sistinme Themelin:

La bîje èt l’sèlo s’dèhagnint, dijant l’inque coumme l’aute qu’il atout l’pus foût. I-s avant vû s’amoûner in voyadgeû ratorti das s’pal’tot.
I s’sant mins d’accoûrd pou dère què l’preumi qui lî fârout r’tèrer l’pal’tot s’rout r’wâti coumme el pus foût.
Là-d’sus, la bîje è coummaci à chouffler aussi foût qu’elle pèlout, mâs pus qu’elle choufflout, pus què l’voyadgeû r’sârout s’pal’tot autou d’lu, si bin qu’pou fini, la bîje è dèlâyi l’idée d’lî fâre tèrer.
Alors, el sèlo s’è mins à lûre, èt au tchu d’in pau d’taps, el voyadgeû, ratchauffi, s’è dèhalé dè spal’tot.
C’qui fât qu’la bîje n’è sû fâre autremat qu’ d’admette què l’sèlo atout l’pus foût des deux.[1]

Sourdant[candjî | candjî l’ côde wiki]

  1. Fåve do vî vî tins «Li bijhe et l' solea», eplaideye dins l' Djåzant atlasse éndjolike des lingaedjes di France et d' pattavå, å pont «Vierton».