Sipotchåve voyale

Èn årtike di Wikipedia.
(Redjiblé di Spotchåve voyale)
Potchî a: naiviaedje, cweri
Miniauge.gifLoukîz a : «Spotchaedje del voyale do prumî pî»

Ene sipotchåve voyale, c' est ene voyale ki si rsaetche dins sacwants shuvions, copurade s' i gn a ene ôte sifwaite voyale dins l' cotoû.

Metans : vos + li + riprindoz => vos l' riprindoz u : vos li rprindoz

Notåcion dins les motîs[candjî | candjî l' côde wiki]

Dins mo des motîs walons, les spotchåvès voyales si metnut inte åtchetes.

  • r(i)prinde
  • d(i)mander
  • t(i)ni

Des ptits motîs k' i gn a ni notnut nén les spotchåvès voyales, po spårgnî dle plaece (R13).

Portant, sacwants motîs (E170, S117, C8) sicriynut les deus cognes. C' est eto l' cas des motîs so les fyis e rfondou.

Ôtes sifwaitès voyales[candjî | candjî l' côde wiki]

Ene sôre a pårt di spotchåve voyale, c' est li dvanceye voyale.

Ene ôte sôre, c' est li ristitcheye voyale.

Portant, ces troes sôres di spotchåvès voyales la rotèt di l' minme façon dins l' dijhaedje del fråze.

Sôres di spotchåvès voyales[candjî | candjî l' côde wiki]

E rfondou walon eyet so ene grande pårteye do Walon do Mitan et do Levant, li spotchåve voyale, c' est "i".

  • dji / dj'; li / l'; ridjouwer / rdjouwer; dischinde / dschinde; finiesse / fniesse

So cåzu tote l' Årdene, eyet a Vervî et Måmdey, c' est U

  • dju / dj'; lu / l'; rudjouwer / r'djouwer; duhinde, duchinde / d'hinde, d'chinde

Å foirt Levant di l' Årdene (Waime, Bietris), eyet dins l' Roman Payis, c' est l' son e (/ə/), noté "eu" (sistinme Feller), ë (Roman Payis, Soverdias), e̊ (Roman Payis, Gaziaux), ou e (S25, Gourdin).

  • djë / dj'; lë / l'; rëdjouwer / r'djouwer; dëchinde / d'chinde

Tot å Levant do payis d' Måmdey (Ôvîfa, et sol Hôte Sure), c' est "è"

  • djè / dj'; lè / l'; rèdjouwer / r'djouwer; dèxhunde, dèchinde / d'hyinde, d'chinde