Ristitcheye voyale

Èn årtike di Wikipedia.
Potchî a: naiviaedje, cweri

Ene ristitcheye voyale, c' est ene voyale ki si rmete inte deus cossounes, å pus sovint po shuve li rîle des troes cossounes.

Djel va scrire / djel sicrît.

Mwaissès piceures[candjî | candjî l' côde wiki]

On l' rescontere aprume dins les mots ki cminçnut pa S + cossoune.

Elle s' a sketé l' bresse => ele s' av siketé l' bresse.

Tecnicmint, ele rote pår del minme façon ki li spotchåve voyale.[1].

Li seule diferince est ki li mwaisse mot n' a nole sifwaite voyale: scrire.

Notåcion dins les motîs[candjî | candjî l' côde wiki]

Årvier del sipotchåve, li ristitcheye voyale n' aparexhe nén dins bråmint des motî walon francès (E1, C99).[2]

Portant, on l' trove dins sacwants:

  • inte åtchetes: S0: "s(u)crîre"
  • tot scrijhant li cmince del cogne avou li ristitcheye voyale: C8: "scrîre, si-"
  • tot scrijhant les deus cognes: E170 (scråwe (sicråwe)) S117 ("sconcîre / suconsîre"), motîs so les fyis do rfondou walon (R9, R10, R11, R12) (scrire / sicrire / escrire).
  • tot ni scrijhant ki l' cogne avou l' ristitcheye voyale: E203: "sikulteû"

Dins kékes motîs, les mots, sont pacô dnés avou l' ristitcheye voyale, pacô sins.

  • E165: scrîre (nén sècrîre, erîlêye cogne); sècrène (mins nén scrène"). Mins payis d' Måmdey, li spotchaedje n' est nén sicorant k' ôte pårt. Motoit k' des mots k' i gn a "vikèt" purade dieo ene cogne et nén l'ôte.

Des ptits motîs k' i gn a ni notnut nén les ristitcheyès voyales, po spårgnî dle plaece (R13).

Uzaedje al tiesse del fråze[candjî | candjî l' côde wiki]

Al tiesse del fråze, ou dins les tites, les mots al ristitcheye voyale si scrijhèt voltî avou cisse voyale la, po n' nén awè deus cossounes po-z ataker.

Sibaré, nost ome, di vey li tåvlea.
Sipotchåve voyale
Scoles di rfondou walon d' Bive

Mins ci n' est nén oblidjî:

Ståré dins l' ansene, i n' si saveut rlever.
Scole

Sourdants[candjî | candjî l' côde wiki]

  1. S0.
  2. ni, come di djusse, nén dins les motîs do Coûtchant walon, la k' on a ene divanceye voyale.