Otruche d' Afrike

Èn årtike di Wikipedia.
(Redjiblé di Struthio camelus)
Pol discramiaedje des årtikes avou l' mot « otruche », loukîz cial.

L' otruche d' Afrike, c' est l' pus cnoxhowe des otruches.

Sincieus no d' l' indje : Struthio camelus

Discrijhaedje[candjî | candjî l’ côde wiki]

C' est on grand oujhea ki mzeure åjheymint dipus d' 2 metes.

I pout pezer disca 140 kilos.

Li måye et l' frumele sont foirt diferins.

Ses longuès pates lyi permetnut di cori a des grandès vitesses (70 a l' eure, pol moens).

Spårdaedje[candjî | candjî l’ côde wiki]

L' otruche ordinaire si rescontere naturelmint dins les wastenes e l' Afrike.

Elle a stî amoennêye e l' Ostraleye al fén des anêyes 1860. Ele s' î a si bén mopliyî k' elle est loukeye come ene evayixhante indje dins sacwants cantons.[1]

Uzaedjes[candjî | candjî l’ côde wiki]

Les plomes di l' otruche siervèt dispu bele ådje po wårni les tchapeas des djîle.

E 18inme sieke, li pôrt marokin d' Essawira esteut l' prumî esporteu di ploumes d' otruches å monde, ki vnént bråmint di s' comiece houte do Såra.

Aclevaedje[candjî | candjî l’ côde wiki]

Les otruches sont-st aclevêye po leus plomes, leus oûs et leu tchå et leu cur.

Gn a ene cinse otruchrece a Rotchfoirt (cinse d' ônoe) k' a-st ataké e 1997.[2]

Maladeyes des otruches[candjî | candjî l’ côde wiki]

Les aclevêyès otruches polèt atraper des maladeyes di totes les sôres, come les ôtès biesses.[3]

Gn a eto des coixheures ki plèt åjheymint ariver e tcheriant les oujheas d' ene plaece a l' ôte.

Onk des prumîs senes di maladeye, c' est l' disploumaedje.

Po viziter spepieuzmint u operer ene otruche, våt mî l' edoirmi, ca l' oujhea pout betchî et piter, disca sketer des oxheas do tchaspougneu. Po-z edoirmi, on pout eployî del silazene (4 mg å kilo) shuvou après 20 munutes di ketamene (8 mg å kilo).[4]

Sourdants[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou l'nbsp;otruche d' Afrike .
  1. (en) Emmalee Murrells, Husbandry Guidelines for Ostrich Struthio camelus, Western Sydney Institute of TAFE, Richmond, 2017.
  2. (fr) sol waibe del cinse.
  3. (en) Des detays sol live d' årtisyince Merck
  4. (en) dôzes dinêye e-n on studia d' Arabeye sawoudite