SuSE

Èn årtike di Wikipedia.
openSUSE 10.3 avou KDE4 e walon
openSUSE avou KDE4, XGL eyet Compiz-fusion

SuSE (prononçaedje : /su:zə/, "souzai" e walon) est ene mwaisse distribucion Linux ki vént d' Almagne et k' est eplaideye pal societé amerikinne Novell mins todi disvelopêye en Almagne. SuSE est onk des mimbes ahiveus do Desktop Linux Consortium.

Li prumire modêye di cisse distribucion la aparexha e 1994, çou ki fjha d' SUSE li pus viye distribucion comerciåle k' egzistêye co ouy.

I gn a deus sôres di distribucions SuSE : ene comerciåle, Suse Linux Enterprise eyet ene cominåltaire, openSUSE.

openSUSE[candjî | candjî l’ côde wiki]

openSUSE, ki s' loméve dins l' tins SUSE Linux, est diswalpé po-z aveur ene modêye, normålmint, tos les shijh moes. Ele vike deus ans å long a pårti del date di rexhowe (ça vout dire deus ans di rapontiaedjes di såvrité). On l' pout pår aberweter po rén cwand ele rexhe, avou l' tchuze d' obtini ou nén les programes prôpietaires. Elle est ossu vindowe e boesse dins les botikes.

Limeros des modêyes[candjî | candjî l’ côde wiki]

Les limeros des modêyes d' openSUSE shût l' eplaidaedje del modêye eterprijhe di Novell (SUSE Linux Enterprise Desktop). C' est paski openSUSE est l' båze del modêye eterprijhe. Insi, sol tins des 18 a 24 moes di martchî di SUSE Linux Enterprise Server 10, les modêyes publikès d' openSUSE ont stî les modêyes 10.0, 10.1, 10.2 et 10.3. Li modêye 11.0 a rexhou l' 19 di djun 2008.

openSUSE e walon[candjî | candjî l’ côde wiki]

Dispoy setimbe 2007, openSUSE est ratourné e walon. Li ratournaedje n' est nén co pår fini mins ça rshonne dedja a on vraiy sistinme d' operance ki djåze walon. Les modêyes e walon sont les 10.3 eyet 11.0.

Ene vicante plake po-z astaler Open SuSe a stî ofreye ås abounés del Rantoele-gazete, avou l' limero 53.

Eterface grafike[candjî | candjî l’ côde wiki]

openSUSE est disponibe avou les eterfaces grafikes Gnome, KDE (3.x et 4.x) eyet XFCE. Gnome eyet KDE sont ratournés e walon.

Difoûtrinne hårdêye[candjî | candjî l’ côde wiki]