Tåtî l' Perikî (teyåte)

Èn årtike di Wikipedia.
Sauter à la navigation Sauter à la recherche

Tåtî l' perikî (Tati l'perriquî), c' est ene pîce di teyåte e walon k' a stî scrîte pa Edouard Remouchamps. C' est ene comedeye e troes akes, come marké dins l' tite (comèdeie-vaudeville ès treus ake).

Elle a stî creyeye a Lidje li 10 d' octôbe 1885.

Après, ele va tourner so les scanfårs di tot l' payis walon, a Brussele, ey a Anverse.

On ricnoxhe sovint qui c' est cisse pîce la ki va dispierter li movmint di Belès Letes e walon foû do payis d' Lidje.

Li moråle dirî Tåtî[candjî | candjî l' côde wiki]

Gn a ene moråle di mucheye dirî Tåtî, foirt erî des idêyes do POB.

Tåtî est bårbî, on ptit mestî k’ i n’ li leyrè djamåy vini li tiesse foû des strins. Mins vo l’ la ki djowe al lotreye, et paretreut k’ il åreut l’ gros lot. I dvént grandiveus, ni vout pus bouter... disk’ a tant k’ on s’ abaiti ki c’ est èn ôte limero k’ a wangnî l’ gros lot. « Alez s’ ripinde l’ essegne » dit-st ele Tonton, si feme. Dj’ ô bén : ridrovez vosse « sålon » d’ bårbî, et bouter pitiveuzmint, et sopoirter vosse destinêye, come les ôtes pitits ovrîs.

Les idêyes dirî Tåtî ont-st ecoraedjî les noveas waloneus di esse "des djins comifåt", et nén des broye-manaedje come les sindicalisses et socialisses del fén do 19inme sieke. [1]

A schoûter[candjî | candjî l' côde wiki]

Cassete "Tåtî l' perikî", boket saetchîs foû del pîce, avou corwaitaedje da Daniel Droixhe, CRIWE.

Hårdêye difoûtrinne Boket del pîce (so l' Aberteke)

Sourdants & pî-notes[candjî | candjî l' côde wiki]

  1. L. Mahin "Pocwè k’ li Walonreye s’ a basti sins l’ walon", Li Rantoele l° 55, ahan 2010.