Tåte al djote
Li tåte al djote (a Nivele : tarte al djote), c' est ene dorêye fwaite avou on froumadje lomé «betchêye», et des betes, lomêyes drola djotes.
C' est ene especialité d' Nivele.
Fijhaedje[candjî | candjî l’ côde wiki]
Prinde des betchêyes, bén les disbate avou sacwants oûs, do boure bruni ey on grin d' sé; maxhî po k' ça dvegne bén glumiant. Adon, mete des betes, des ptits verts agnons eyet do pierzin hatchî bén fén. Ralongui avou ene miete di laecea si ça dvineut trop spès eyet stinde sol påsse. I n' fåt nén waitî a ene plotche di boure ![1]
Adonpwis, fåt fé des trôs avou ene fortchete, et stårer l' boure po k' i mousse bén dins l' påsse.
Pol k' ele gostêye å mî, on dit k' ele «doet esse bén tchôde, bén blete, ki l' boure disglete.»[2]
Istwere[candjî | candjî l’ côde wiki]
On rtrouve l' alomåcion dins les vîs papîs dispu 1218, mins on pinse ki c' est co bén pus vî k' ça.
Rilomêye[candjî | candjî l’ côde wiki]
Dispu 1980, gn a-st a Nivele ene cofrereye del tåte al djote ki djudje li cwålité des prodûts dins les boledjreyes k' endè fwaiynut.
Li såjhon del tåte al djote atake li londi d' Påke et fini al fôre do moes d' octôbe.[3]
Tos ls ans e moes d' fevrî, i rmetèt des stoeles ås meyeus coujhnîs et coujhnires di l' anêye di dvant. Cist ocupaedje la ramoenne beacôp des tourisses.
Ricete vijhene[candjî | candjî l’ côde wiki]
Li tåte do vî pårén (târte du vî paurin) a Ricsinsåt rishonne foirt al tåte al djote di Nivele.
Hårdêye difoûtrinne[candjî | candjî l’ côde wiki]
- (fr) Ricete