Taekwondo

Èn årtike di Wikipedia.

Li Taekwondo ("tchimin do pî et do pougn"), c' est èn årt marciå ki provént del Corêye, eyet ki ravize ene miete li karaté djaponès. Come si no corêyin el mostere, i s' adjixh do s' siervi d' ses mwins eyet d' ses pîs miernous po-z ataker ene sakî ou s' disfinde, avou ses mwins, ses bresses oudonbén ses djambes, ca bén k' on-z eploye dipus ses djambes ki dins l' karaté.

Competicion di Taekwondo

Sacwants mwaisses volèt kel taekwondo rmonte a kéke 2000 ans. Po dire li vraiye, c' est seulmint gn a ene céncwantinne d' anêyes k' on pratike li taekwondo té k' on l' kinoxhe enute. Dispu les Djeus olimpikes di Seyoul (1988) eyet di Bårçulone (1992), li taekwondo esteut on spôrt olimpike di prezintåcion. Enute, c' e-st on spôrt olimpike di competicion.

Onk des egzercices les pus consecants, c' est do fé des pumses (kata el terminolodjeye do karaté). Les pumses sont-st ene shûte di mouvmints d' disfinse eyet d' atake: on fwait shonnance k’ on toursixh avou pluzieurs lûteus. On ls aprind par keur eyet les rfé et les rafé po-z amidrer si assene, esse pus ployant eyet pus roed, eyet mî mwaistri les diferins mouvmints.

Hårdêyes difoûtrines[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou Taekwondo .