Teletchet

Teletchet (e francès Téléchat), "li tévé des pwels, des plomes et des cayets", c' est on fouyton tévé avou des marionetes k' a stî atuzlé å cmince des anêyes 1980 pa on Francès, Roland Topor, et deus Bedjes, Henri Xhonneux et Éric Van Beuren. Gn a rexhou troes rîlêyes di 78 fimes-bokets tchaekene. C' est ene parodeye di djournå tévé prezinté pa Groucha, on marou avou s' bresse dins l' plåsse, et Lola, ene otruche k' a vnou di l' Ostraleye. Il ont discovrou ki totes les tchôzes ont-st ene åme, ki s' lome on "glouwon" et k' on pout djåzer avou. E Beldjike, li fouyton a stî mostré dins l' emission Lollipop (so l' RTBF) a pårti do 19 di setimbe 1983 ; e France, il a stî mostré dins Récré A2 (so Antenne 2) a cmincî do 3 d' octôbe del minme anêye.