Teuf-teuf
Ene teuf-teuf, c' est l' no d' ene sôre di vweteures. Ele sont ricnoxhåves avou li fwait k' ele sont foirt pitites.
Lwè
[candjî | candjî l’ côde wiki]El Beldjike, on pout ddja miner ene teuf-teuf a pårti d' saze ans. Asteme ki dvant d' awè dijh-ût ans, on n' pout nén prinde on voyaedjeu avou. Les djins k' ont nexhou padvant li 14 di fevrî 1961 n' ont rén dandjî po-z endè pleur miner. Les sakîs k' ont skepyî après cisse date la doevnut, å moens, awè l' permis AM.[1] Mins nerén, sacwants elemints del lwè bedje dipindnut bén del lwè di l' Union Uropeyinne. Metans, li nombe di tchvås ki pout daler disk' a 8,15 ubén l' vitesse macsimom k' est limitêye a 45 km/e.[2]
A l' atake, c' esteut seulmint les teuf-teufs a deus plaeces ki polént rôler so les voyes. Tolminme ki, dispoy 2016, les otos dinsi avou cwate plaeces polèt rôler el Beldjike.[3] Tot rwaitant les voyes, les mineus des teuf-teufs doevnut s' codure come si minént ene oto po l' ci ki fåt l' permis B, åré k' les teuf-teufs polnut nén sey so les otostrådes ubén les espresses.[4]
Referinces eyet sourdants
[candjî | candjî l’ côde wiki]- ↑ https://www.ligier-dusaucy.be/faq.php
- ↑ https://www.aixam-belgium.be/fr/legislation
- ↑ https://web.archive.org/web/20220817161333/https://move-nl.com/2016/10/02/onze-registratie-45km-auto-voor-de-openbare-weg-is-er-door-100-elektrisch-4-persoons/
- ↑ https://www.lecho.be/monargent/consommation/mobilite/tout-ce-que-vous-devez-savoir-sur-les-voitures-sans-permis/10252437.html