Profèsseûr Titorval (binde d' imådjes)
Professeur Titôrvå
Li Professeur Titôrvå[1] (Profèsseûr Titorval[2]), pus tård ricandjî a Totlravi[3], c' est on personaedje di binde d' imådjes askepyî po des bédés e walon pa José Schoovaerts, so ene dimande da Joël Thiry.
Siervaedje do personaedje
[candjî | candjî l’ côde wiki]Li no da Titôrvå vént del fråze : dji boereu voltî on ptit Ôrvå.
Il est purade kinoxhou pal binde d' imådjes k' a parexhou dins l' Avni do Lussimbork, pu come live eplaidî å Muzêye do Pårlaedje e l' Årdene e 2011, «Djustin Titôrvå, ene linwe ki va so tot».
Ci fourit dandjreus li prumire binde d' imådjes creyeye pår e walon dins l' Province do Lussimbork.
Les istweres e cwate imådjes estît rprinjhes sol cou-coviete di Singulîs.
Mins li personaedje sieve eto pol Rantoele-gazete.
Istwere do personaedje
[candjî | candjî l’ côde wiki]Les prumirès sayes del bédé ont parexhou aprume dins Singuliers (l° 1/2010) et dins l' Rantoele-gazete (bontins 2010). Pu, a cmincî do 16 d' avri 2010, li vinrdi dins l' Avni do Lussimbork.
El Professeur Titôrvå s' a tchôkî e s' tiesse l' idêye di rmete Hegel e walon. L' istwere (36 pådjes) "Li sinsibe acertinance" s' a edåmé li 24 d' avri 2010 dissu l' arincrin emon "Toudi"... Et rexhe so papî dins l' Rantoele-gazete (l° 59).
Et, adonpwis, n' vola-t i nén ki l' djermale do Professeur si mete a berdeler tot hôt, a môde di ptit fime d' imådjes so Youtube.
Li binde d' imådjes Schoovaerts Thiry
[candjî | candjî l’ côde wiki]
Loukîz a : «Djustin Titôrvå, ene linwe ki va so tot»
Pal voye di cwate desséns, il est d' kession di fé passer ene fråze ki fwait rire et tuzer, sol modele do tchet da Philippe Geluck.
Li sinnario a stî atuzlé pa Joël Thiry, a pårti di sinnes k' il a viké dins si scole di Måtche-el-Fåmene. Et tot la k' i gn av des fåves ki s' racontént.
Li ravicaedje come Totlravi
[candjî | candjî l’ côde wiki]Al fén di l' ovraedje-eshonne Schoovaerts-Thiry (2013), li personaedje ravike avou on rodje costeume dins l' Rantoele-gazete (limeros d' 2013 eyet 2014) dizo l' ribatijhaedje "Tolravi". Avou des tecses walons da Djozé Schoovaerts, riscrîts e rfondou walon pa Lucyin Mahin.
Pu, avou on brune (des côps on djaene-vete) costume, divins l' binde d' imådjes Gama-coûte (2013). Pu s' shûte, Gama-coûte 2 (2017).
esplikêye sol sistinme des 4 desséns, a môde do Tchet da Geluck
spitch sol sicolaedje do walon (2015)
dins Gama-coûte 2 (2017)
so ene cou-coviete d' ene Rantoele, a môde di pope
so ene ôte cou-coviete, å dzo
Hårdêye difoûtrinne
[candjî | candjî l’ côde wiki]Pî-note
[candjî | candjî l’ côde wiki]- ↑ Riscrît a môde do rfondou, tot-z acontant li mwaisse prononçaedje do viyaedje d' Ôrvå, la ki l' bire est bresseye.
- ↑ Spotchî aplacaedje do francès d' Walonreye «un p'tit Orval».
- ↑ Rimaxhaedje des letes do minme mot; ci deujhinme modêye la a djusse candjî d' costume èt èto d'vizâdje !