Torea (planete)
.svg)
Li Torea, e-n asterlodjeye, c' est l' planete des cis (cenes) k' ont skepyî inte li 21 d' avri eyet li 20 di may.
Po des linwincieusès racsegnes sol mot "torea", alez s' vey e splitchant motî.
Egzimpe di djhaedje di leu planete po les Toreas[candjî | candjî l’ côde wiki]
(po 2008)[1]
- Sintimints : I n årè beacôp des mamours e vosse måjhone, ossu bråmint d’ araedje, mins po vosse bouneur. Si vos n’ estoz nén maryî, vos froz l’ påwion, mins ni vs leyî nén andoûler.
- Ovraedje : Tot serè plaijhant, vos seroz contint (continne) di vos copleus (atincion as amours). Si vos estoz bén malén, vos pôroz aveur di l’ avinçmint. Mins atincion, ni vs metoz nolu so les rins.
- Santé: Vos n’ åroz nou mehin. Mins, å moes d’ may ni vs fijhoz nén trop di mås d’ tiesse ça vs espaitchreut do doirmi. Tuzez a vosse påjhûlisté.
- Çanses : Vos n’ mancroz d’ rén, mins portant, fårè tot l’ minme fé atincion a n’ nén trop payî ; å moes d’ may vos riskez d’ fé des biestreyes, minme si vos poloz conter so ene sakî ki vs inme.
Sourdants & pî-notes[candjî | candjî l’ côde wiki]
