Tribunå del mwaisse lwè

Èn årtike di Wikipedia.
Sauter à la navigation Sauter à la recherche
Tribunå del mwaisse lwè del Beldjike (intrêye a hintche)

Li tribunå del mwaisse lwè, c' est on tribunå ki louke si les lwès d' on payis democratike ni vont nén disconte del mwaisse lwè.

Tribunå del mwaisse lwè del Beldjike[candjî | candjî l' côde wiki]

Li tribunå del mwaisse lwè del Beldjike ki rote asteure n' est nén vî. Il a stî strimé å Senat li 1î d' octôbe 1984. Il a foit a fé a cåze des diferins pårlumints ki fwaiynut des lwès el Beldjike federåle (Nameur, kiminålté francesse, Flande, kiminålté tîxhon-cåzante).

Il a rexhou s' prumî djudjmint li 5 d' avri 1985.

Egzimpe di fonccionmint d' on tribunå del mwaisse lwè[candjî | candjî l' côde wiki]

Li mwaisse lwè espagnole so l’ otonomeye des contrêyes di 1979 ricnoxhe li Catalogne come åyant ene «nåcionålté» a pårt. Mins dins ene novele modêye k' a vudî e 2006 el Catalogne, divins l’ adrovaedje, il esteut dit ki l’ Catalogne, c’ esteut ene «nåcion».

Sacwants ameteus alît divant l’ tribunå del mwaisse lwè disconte ci pont la eyet co des ôtes.

Li tribunå del mwaisse lwè espagnole va rinde si djudjmint e 2010, tot côpant l’ poere e deus. Les Catalans ont l’ droet, istoricmint, di s’ lomer «nåcion», mins ç’ mot la n’ a nole valixhance lweyåle.

Dins l' minme djudjmint, gn a 14 hagnons del mwaisse lwè del Catalogne ki fourît djudjîs foû-lwè, eneviè li mwaisse lwè cintråle espagnole.[1]

Sourdant[candjî | candjî l' côde wiki]

  1. Lucyin Mahin, on deur ahan po Pouchdemont, Li Rantoele 84, ivier 2017-2018, p. 4.