Triyanon (teyåte a Lidje)

Èn årtike di Wikipedia.

Li Triyanon d' Lidje, c' est on teyåte di Lidje ki djouwèt bråmint do walon.

C' est l' seu sfwait teyåte, el Walonreye, avou des comedyins d' mestî.

Gn a eto ene soce aloyeye : les "amisses do Triyanon" k' editèt ene gazete "Amon nozôtes".

Istwere[candjî | candjî l’ côde wiki]

teyåte e walon a Lidje divant l’ Triyanon[candjî | candjî l’ côde wiki]

Teyåte walon do Triyanon[candjî | candjî l’ côde wiki]

E 1926, on comitî d’ waloneus va fé riskepyî on teyåte pår e walon. Po çoula, i louwèt li teyåte do Triyanon, ki djouwéve e francès, et s’ lomer « Teyåte walon do Triyanon »

Il est ricnoxhou oficirmint del veye di Lidje li 13 di djulete 1929.

Les pîces continouwèt minme tins del guere di 40. Ele doevnut aveur l’ åjhmince des ocupants almand, çou k’ est possibe paski c’ est Djôzef Mignolet k’ est responsåve di ces otorizåcions la.

Mins li 6 di djanvî 1944, gn a on målfeu metou ki distrût li sinne, les decôrs, li såle et les vîs papîs. On saye bén di rdjouwer ôte pårt, mins li soce doet esse dismantcheye, et les eployîs metous a l’ ouxh.

E 1948, i rprind dizo l’ acviernance da Eddy Lantin.

Mins e 1976, li såle est esprôpiyeye pal veye di Lidje, ki candje pår les plans del cité. Il ebague adon rowe Surlet e-n on bastimint ki s’ loméve davance « Paviyon Flôre » et k’ aveut divnou on cinema.

E 1989, houte do teyåte, n a des ôtes ocuâpedjes come li Cåbaret da Tchantchès.

E 1991, ene soce nén recwårlante, les amisses do Triyanon, aspale les responsåves do teyåte. Il ont ene waibe dispu les anêyes 2010.

C’ est låvå k’ i gn a l’ finåle del cope do Rwè Albert, et des Rescontes des dramatikes del Province di Lidje (rencontres provinciales de théâtre amateur). Eto: li gala walon del Province di Lidje, et, divant 2019, eles filmaedjes di pîces e walon pol tévé (emission Wallons, Nous!).[1]

Hårdêye difoûtrinne[candjî | candjî l’ côde wiki]

Leu waibe

Sourdant[candjî | candjî l’ côde wiki]

  1. Cotcorico, l° 53 1/2020, pp. 6-8.