Li Vå-addé-Rozire

Pol discramiaedje des årtikes avou l' mot « Rozire », loukîz cial.

Li Vå-dlé-Rozire (on dit eto: Li Vå-addé-Rozire, la-minme Vâ-addé-Rozière, Fr. Vaux-lez-Rosières), asteure, pus courtinnmint, Rozire (fr. Rosières), c' est èn ancyin ptit ban del Walonreye, rebané avou des ôtes viyaedjes del vå d' Seure po fé li novele intité do Vå-so-Seure, e l' province do Lussimbork.

Li mwaisse rowe et l' eglijhe

Mwaissès dnêyes

• Limeros del posse : 6640 (nén candjî).
• Limero diyalectolodjike : B 28 ; mwaisse pont d' l' A.L.W..
• Arondixhmint: Bastogne
• Lomaedje et spotaedje des djins did la:
  • Lomaedje: Rozirî, Rozirresse
  • Sipotaedje: les Rawiåds u Râwiês.

Industreyes

abatwer (pourcea et grossès biesses)

Tuzance walone

Teyåte e walon

• dramatike: les djoyeus Coperes (Djwayeus Capéres)

Accint do walon

• betchfessî å : c' est tos â : a Vâ, c' est des Rawiâds.
• betchfessî ô : prononçaedje oû : in coûp, on troû.
  • betchfessî oy: prononçaedje oûy: ine 'voûye
• betchete ki- : sovint replaeceye pal betchete ca- : capére (copere).
• li definixhant årtike, c' est «el», come e walon do Coûtchant.

Plake di rowes e walon

Dispu 2022, gn a ene grosse cwénzinne di plakes di rowes e walon, metowe dins l' cåde do label «Nosse comene diy oyi». Ele sont scrîtes e sistinme Feller avou l' accint do payis.

• avou on no d' voye
  • Al bårire (Al Bârière, fr. La-Barrière)
  • Voye di Damriveye (Voûye dè Dam'rivèye, fr. chemin de Dameriville)
  • El rouwale (El ruwale, fr. La Ruelle)
  • Grand-rote a Rozire (Grand-Route, Rozîre)
  • Cou-d'-saetch padrî l' veye (Impasse Padrî la Vèye, fr. impasse Derrière la Ville)
• a vey avou les bwès, les åbes et les plantes
  • E corti des tchinnes.
  • Cou-d'-saetch des fleurs d' avri (Impasse dès Fleûrs d'Avri, fr. Impasse des jonquilles)
  • Voye divant l' Bwès (Voûye Dèvant l'Bwès, fr. Chemin Devant-le-Bois)
• A vey avou les tchamps
  • Cou-d'-saetch å mierpré (Impasse à Mair'pré)
  • Voye des clôs tchamps (Voûye dès Cloûs Tchamps, fr. chemin des champs de clusure).
• A vey avou les aiwes
  • Voye do fagnoe (Voûye do Fègnû', fr. Rue du Fagnû)
  • Voye del Mityingote (Voûye dol Mityingote, fr. Rue de la Mitingotte)
• A vey avou des rotches:
  • Voye dizeu les blankès pires (Voûye dèzeû lès Blantchès Pières, fr. Rue Dessus la Pierre Blanche)
• A vey avou li rlidjon
  • Voye Sint-Dôna (Voûye Sint Dônat, fr. rue Saint-Donat)
  • Voye Sint-Elwè (Voûye Sint Élwa, fr. rue Saint-Eloi)