Vî rméde

Èn årtike di Wikipedia.
Aller à la navigation Aller à la recherche

On vî rméde, c' est on rméde ki les djins fjhént dvinltins, avou des prodûts naturels.

vîs rmédes di mônî[candjî | candjî l’ côde wiki]

Vocial sacwants vîs rmédes foû di l’ orobete d’ on mônî. I sont tertos fwaits avou des dinrêyes ki pasnut på molén. I sont dnés pa maladeye a sognî :

  • Coûtresse d' alinne : Fé boure di l’ aiwe avou des latons et do suke di candi.et l’ boere.
  • Broûleures : sipåde del blanke farene dissu.
  • Trintchêyes et mås d' vinte : mete on ptit saetch d’ avoenne oudonbén des tchôds latons dissu s’ vinte.
  • Edjaleures : Gn a sacwants rmédes :
    • les froter tos les djoûs d’ grinnes di lin
    • mete dissu des foyes di waessin cûtes dins do saeyén ou do boure sins pont d’ 
    • mete dissu des spotcheyès foyes di rgon 
    • tchôkî des grins d’ avoenne dins do crås lård, î mete li feu, rascode li noere cråxhe et froter l’ edjaleure.
  • Rôze (rissipele) : papin d’ farene di waessin et d’ vinaigue avou des schoices di dins del blanke farene maxheye avou do cognak.
  • Toirtchaedje do pî u forpougnaedje : trimper li mespassêye djonteure li pus lontins possibe dins do bigåd (do purea).
  • Djaenisse : boere do té d’ oidje.
  • Må d' dints : sacwants rmédes :
    • ene vôte di farene di oidje dissu s’ mashale
    • on papin d’ latons d’ waessin avou do vinaigue.
    • Po n’ pont nd awè, èn pont magnî d’ pwin ni d’ sacwè fwait avou del farene li djoû del Sint-Houbert.
  • Må d' goidje : mete so s’ goidje on papin, soeye-t i :
    • di låme, di pwin et d’ raecene di så
    • di pwin et d’ vinaigue
    • di farene di lin maxheye avou del moståde.
  • Sape, rinnete : froter l’ goidje di l’ efant avou ene taeye di pwin et l’ diner å prumî tchén ki passe.
  • Orioûle (orion, orlû, florete, kike) : papin d’ pwin di rgon trimpé dins do laecea avou del farene di lin.
  • Blanc doet : papins soeye-t i :
    • di farene di lin, di låme, d’ alon, d’ ôle d’ olive et d’ èn
    • di pwin, di lacea et d’ blanc savon
    • di farene di waessin et d’ grinnes di lin
    • di farene di lin et di rgon
  • Roumatisses : après l’ fornêye do pwin, moussî dins l’ for, les pîs dvant, tot leyant s’ tiesse foû. Li for doet co esse li pus tchôd possibe. Po n’ pont nd awè, wårder on maron e s’ potche.
  • Schandêyes : rilaver pîs et mwins dins d’ l’ aiwe di latons.
  • Matchureas et catåres : penter del poude di maron.[1]

Sourdants[candjî l’ côde wiki]

  1. José Schoovaerts, Li Rantoele l° 49, bontins 2009