Vôtaedjes comunås eyet provinciås del Beldjike di 2024
Les vôtaedjes comunås eyet provinciås di 2024, c' est des vôtaedjes metous so pî li 13 d' octôbe 2024, e l' Beldjike. I shuvént les cis di 2018.
Plaece do walon lingaedje dins l' campagne
[candjî | candjî l’ côde wiki]Li lisse Intérêts Cinaciens, k' a wangnî les vôtaedjes, s' a egadjî a porshure li sotnaedje do teyåte e walon et do lingaedje e djenerå.[1]
Li lisse do Mouvmint Rifômrece a dediyî on hagnon di-st aberteke å walon. Elle î cåze do label Nosse comene dit OYI (kè l' comene a ddja), des tåvlêyes, des årtikes e walon dins l' gazete del comene, des spitchs et do scolaedje do walon. Les politikîs del lisse si dijhnut Fîrs du djåser walon duvins nosse bèle commune du Djalhè ![2] Li novele mayoresse, Victoria Vandeberg, est mimbe di cite lisse la.
Li lisse « Doische à Cœur » (lisse do mayeur) s' a egadjî a dmander l' label Nosse comene dit OYI si ele wangne les vôtaedjes.[3] Elle a yeu 8 xhames so 11 å consey.
Ene candidate di cite lisse la, Rosine Lefèbvre, a disfindou l' sicolaedje do walon dins les scoles del comene. Elle end a cåzé dins s' videyo d' prezintåcion[4], dins ene videyo k' elle a fwait avou ene ôte candidate, Evelyne Charlier, po cåzer des scoles del comene[5] et dins ene dierinne videyo avou tos les candidats di s' lisse[6]. Elle a stî relîte å consey, avou 271 vwès.[7] Minme si ele n' est k' 9inme dins l' ôre di preferince, ele divénrè scabene, veyanmint k' i gn a ene lwè sol nombe di comeres dins les coledjes comunås.
Li lisse UD, k' a wangnî les vôtaedjes, s' a egadjî a porshure si ovraedje avou l' label Nosse comene dit OYI.[8]
Li lisse do Pårti Socialisse a noté dins s' programe ki, tot shuvant l' label Nosse comene dit OYI, elle aléve rafoirci l' sicolaedje des mwaisses et dames di scole a vni (les cis ki shuvnut les cours del sicole normåle del veye, don). Ele vout eto acsegnî l' walon et s' tuzance ås eleves des ptitès scoles del veye.[9] Li PS a-st arivé prumî et Willy Demeyer, li tchîf di lisse, va dmorer mayeur.[10]
Li lisse Alternative s' a egadjî a bouter po rafoirci l' aprindaedje do walon et do foclore del veye.[11]
Li prezidint do Rweyå Club walon d' Måmdiy, Jacques Remy-Paquay, s' a prezinté so cite lisse la. Il a stî relî å consey, avou 1218 vwès.[12]
I gn a yeu deus riclames e walon sol gazete L'Avenir (edicion d' Nameur) do semdi des Fiesses del Walonreye, po des candidats do Mouvmint Rifômrece. Li prumire, al pådje 19, prezinte deus candidats, Loïc Demarteau (pol comene) et Marie-Frédérique Charles Antoine (pol province), et dit (tot roviant l' coron -ès des addjectifs femrins pluriyals metous padvant : Bones fiesses a tortos. Li deujhinme, al pådje 25, mostere tos les candidats al veye et dit : Bon' fiesse di Wallonie à tortos ![13] Dins leu programe po les vôtaedjes comunås, les mimbes del troke MR di Nameur dijhnut k' i volnut sotni li scolaedje et l' sipårdaedje do walon pa diferins moyéns.[14]
Gérard Beaumont, des Relîs Namurwès, s' a prezinté sol lisse des Egadjîs (pol comene). Il a fwait deus ptitès videyos sol walon lingaedje avou ene ôte candidate, Delphine Wrincq.[15] Il a rçû 406 vwès, mins i n' a nén stî relî å consey.[16]
Li lisse Waimes Avenir a dediyî on hagnon di s' programe å walon, tot djhant k' ele vout k' Waime ridjonde li label Nosse comene dit OYI.[17] Mins ele serè dins l' opôzicion pol termene a vni.[18]
Li lisse « Avenir Communal » (lisse do mayeur) s' a egadjî a sotni les accions kè l' comene doet fé po l' label Nosse comene dit OYI et, emey cesses-cile, les rescontes avou des walon-cåzants et les ocupaedjes sol walon dins les scoles.[19] Li lisse a yeu 13 xhames so 19 å consey.[20]
Ene mimbe del lisse, Bernadette Vandenbosch, a metou l' walon å dvant-plan dins s' prezintåcion.[21] Elle a stî relîte å consey, avou 457 vwès.
Rizultats
[candjî | candjî l’ côde wiki]Referinces eyet sourdants
[candjî | candjî l’ côde wiki]- ↑ Pont 128 do programe : « Continuer le soutien au théâtre dialectal et à la langue wallonne. »
- ↑ Aberteke del lisse, p. 14.
- ↑ https://www.facebook.com/photo?fbid=122117405798475206
- ↑ https://www.facebook.com/watch/?v=1596655531262824
- ↑ https://www.facebook.com/watch/?v=1596655531262824
- ↑ https://www.facebook.com/watch/?v=389894530854701
- ↑ https://www.rtbf.be/elections-2024/communales/resultats/doische-5680
- ↑ Programe del lisse UD, p. 3.
- ↑ Programe do PS lidjwès, p. 53 : « Dans le cadre de l’opération « Ma commune dit awé », intensifier le programme de formation didactique au wallon. La culture et la langue wallonne feront l’objet d’une activité et d’un enseignement spécifique dans les écoles fondamentales. »
- ↑ Julien Covolo, Élections communales à Liège : Willy Demeyer réélu bourgmestre, vers une reconduction de la majorité PS-MR ?, sol waibe del RTBF, 13 d' octôbe 2024.
- ↑ Lisse Alternative, Notre programme 2024/30, p. 9.
- ↑ https://www.rtbf.be/elections-2024/communales/resultats/malmedy-4960
- ↑ L'Avenir (edicion d' Nameur), 107inme anêye, lº 216, semdi 14 di setimbe 2024.
- ↑ Programe del troke MR di Nameur, p. 28 : « Soutenir l’apprentissage et la diffusion du wallon par diverses actions. »
- ↑ Prumire pårteye, deujhinme pårteye.
- ↑ https://www.rtbf.be/elections-2024/communales/resultats/namur-5000
- ↑ Waibe del lisse Waimes Avenir : « Nous reconnaissons l'importance de préserver et de promouvoir notre langue locale, le wallon, qui fait partie intégrante de notre patrimoine culturel. C'est pourquoi nous soutiendrons les initiatives citoyennes visant à encourager l'utilisation du wallon dans notre communauté. En collaboration avec les écoles, nous soutiendrons des activités parascolaires en wallon, permettant aux jeunes générations de découvrir et d'apprécier leur langue régionale. Nous encouragerons également les événements culturels, tels que les roles, les pièces de théâtre et les lectures publiques en wallon, pour célébrer et revitaliser cette langue vivante. Nous souhaitons que la commune obtienne le label “ma commune dit oui au langue régionale” »
- ↑ https://www.rtbf.be/elections-2024/communales/waimes-4950
- ↑ Programe del lisse Avenir Communal, p. 43 : « soutenir le projet “Me comëne dët oye” en faveur du wallon afin de mettre en valeur ce patrimoine culturel, notamment par l’organisation d’animations au sein de nos écoles »
- ↑ https://www.rtbf.be/elections-2024/communales/resultats/walhain-1457
- ↑ Programe del lisse Avenir Communal, p. 31 : « J’aime la convivialité des commerces de proximité, les fêtes et les traditions de nos différents villages et l’usage du wallon qui fait partie de nos racines. »