Djebel Xheder

Veyou d' Nonne

Li Djebel Xheder (arabe جبل الاخدر ; Fr. Djebel El Akhdar; Jbel Lakhdar), ki l' no vout dire "Vete Montinne", c' est ene pitite montinne, 687 mete hôte al copete, k' i gn a å Marok.

Ele fwait limotche inte li plin des Douccala et l' ci do Rahamna.

Ele pout esse riwaiteye come li dierin stritchon del tchinne do Grand Atlasse, tot-z alant viè l' Oceyan atlantike, diviè El Djadida et Asfi.

Rilidjon

Gn aveut la-hôt on perlinaedje li djoû do mont Arafate. Les djins des tribus vijhenes des Oulad Ahmed, Oulad Jerrar et les cis des Rahamna alént passer deus troes djoûs, et l' nute di dvant l' djoû Arafate sol copete.

I ridschindént po-z esse e leu måjhon pol fiesse do bedot.

Cisse dujhance la a staté e 2005, ca les vîs adjinçneus del fiesse estént moirts, et les djonnes n' ont nén rprins.

Montêye disk' al copete

C' est foirt åjhey a-z aler al copete, a pî. Mins gn a pupont d' pazea. On pout endaler do viyaedje di Oulad Bou Jrin. On conte ene eure et dmeye po monter, et ostant po ridischinde di l' ôte des costés.

• 
  Veyou d' Nonne
• 
  Veyou d' Bijhe
• 
  tot près, veyou do Coûtchant
• 
  Tot montant
• 
  Al copete, tot waitant so Bijhe
• 
  On pô pus sol Levant
• 
  Pus hôt ucaliptusse (pindant å Coûtchant)
• 
  Cresse coûtchantrece, veyowe do dzeu
• 
  Cresse coûtchantrece : grossès pires
• 
  Betch (Sud-Ouwess) veyou do dzeu