El Djadida

Èn årtike di Wikipedia.
Sauter à la navigation Sauter à la recherche
Viye veye, divinltins, li mella

El Djadida, e-n arabe «الجديدة», al-djadîda; arabe marokin «جّديدة», j-jdida, amazir «ⵊⵊⴷⵉⴷⴰ», jjdida (minme prononcaedje: Loudspeaker.svg aschoûtez lu), francès «El Jadida», dinltins «El Djedida», espagnol «El-Yadida»), c' est ene veye do Marok, mwaisse leu del province do minme no, et del contrêye des Douccalas.

Ele s' a lomé divinltins Mazagan.

Djeyografeye[candjî | candjî l' côde wiki]

Grossès aiwes 1996

Veye metowe so l' Oceyan Atlantike.

Cwand l' Aiwe di Flifla esteut-st espaitcheye d' egoler vite assez el mer dilé l' Djaene Falijhe, ele rivneut aviè El Djadida, et cåzer des grossès aiwes (disk' a l' an 2000). Les dierinnès ont stî e 1995 eyet 1996.

Peuplåcion[candjî | candjî l' côde wiki]

Do tins del mambornance francesse å Marok, c' esteut ene veye di 40.318 åmes (diviè 1950); on contéve 1704 Francès, 120 etrindjîs (Uropeyins nén francès), et 3.328 djwifs (todi contés a pårt dins les rcinsmints francès.

Sol «Teritwere di Mazagan» (dandjreus les Douccala d' asteure), gn aveut

Urbanisse[candjî | candjî l' côde wiki]

Li viye veye est retourêye di murayes fwaites pa les Portuguès. Å mitan, gn a l' vî tchestea portuguès, eyet li rlomêye citere ås vôsseures. Do tins des Francès, c' esteut la l' mella.

Elle a stî ricnoxhowe patrimoenne di l' Umanité pa l' Unesco.

On î pout co vey l' ancyinne ambassade amerikinne et l' consulat inglès. Mins les måjhons sont foirt dilåbrêyes.

Li nouve veye a stî adjinçnêye pås Francès sorlon l' plan del veye di Deauville: deus mwaissès voyes ki shuvèt l' boird di mer et avni sol cwårtî administratif (ancyinne «Plaece Lyautey», la k' gn a co ouy li teyåte eyet l' posse.

L' ancyinne «veye indidjinne», rilomêye «medina», est metowe après ci cinte la, tot rshuvant l' mer a Nonne. Gn a la asteure les martchîs ås botikeas (souks).

Tot åtoû, i s' a basti ene håvlêye di noveas bildignes, disca rdjonde li viyete pladjrece di Sidi Bouzid.

gåre

Tot prindant l' voye di Marakech, on passe nén lon del gåre des tréns, pu vni tot do long d' on zonigne, divant d' cwiter l' veye, tot trevåtchant (pa padzo) l' otovoye Cazablanca-Asfi (drovowe e 2017). Do corin-veye, on l' pout aler prinde tot rmontant l' boird do mer eviè Bijhe, et passer dvant l' ipodrome. Si on dmeure sol viye voye, on va passer tot do long d' on cazino-otel lomé «Mazagan».

Istwere[candjî | candjî l' côde wiki]

Åreut ddja stî on pôrt do tins des Romins. Il est discrît on sfwait pôrt a 7 miles di l' egoleure di l' Aiwe do bontins.

Commons
I gn a so les cmons Wikipedia des imådjes ou fitchîs son a vey avou El Djadida .