Viebe rindjî sorlon s' coplemint

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "coplemint", alez s' vey sol Wiccionaire

On viebe pout esse rindjî sorlon k' il a on coplemint u nén, eyet s' rapoirt avou ç' coplemint la.

Rindjmint[candjî | candjî l' côde wiki]

v. å coplemint («magnî», «wårder»)
v. sins coplemint («lure», «foumer», «flori», «avoler»)
v. å nén dit coplemint («semer»)

On viebe å coplemint c' est on viebe ki si accion si discrît eshonne avou on sustantif u on prono k' on lome li droet coplemint do viebe (lomé "acuzatif" ins les lingaedjes ås diclinåjhons).

li tchvå saetche li tcherowe.

Ene sôre ene miete a pårt, mins ki rshonne foirt ås viebes å coplemint, c' est les viebes å prono. Li prono coplemint est del minme djin ki l' viebe.

vos vs dijhoz k' dj' a toirt, dowô?

On viebe å coplemint nén direk, c' est on viebe ki l' accion est fwaite po on sustantif loyî pal divancete «a», u on prono ki l' replaece. Ci coplemint la est lomé "datif" dins les lingaedjes ås diclinåjhons.

Gn a des viebes ki plèt esse lomés a nén dit coplemint, cwand c' est aiwdirotchmint clair ki l' accion si fwait avou on droet coplemint, k' on n' a nén ddja dandjî d' dire.

dji m' va aler semer [1].

On viebe ki n' a nou coplemint direk u nén direk, et ki, tot seu, pout discrire l' accion, si lome viebe sins coplemint. I pout awè des ôtes sôres di coplemints (tins, manire).

dji rote d' on pas pressé.

Pî-note[candjî | candjî l' côde wiki]

  1. on seme todi del simince, u des ecråxhes tchimikes, mins adon, on l' a bén dit dvant.