Skepiaedje
Li skepiaedje u nexhance u vnowe å monde, c' est cwand èn efant rexhe do vinte di s' mame e s' payelé.
Po li skepiaedje des biesses, loukîz a djonnlaedje.
Motlî
[candjî | candjî l’ côde wiki]Dins ene fråze, on dit k' Onté u Entéle a skepyî, a vnou å monde, a veyou l' djoû ou a nexhou.
L' efant djusse sikepyî si lome "novea-né".
Dijhaedjes
[candjî | candjî l’ côde wiki]Inte grandès djins, on dit : "Li feme Linåd a yeu si efant; elle a on gamén; il ont rieu ene gamene".
Mins, po cåzer ås efants, on djheut purade "Mon Cabu, il ont atchté on ptit valet, ene pitite båshele (ene crapåde)".
Skepiaedje et lwè
[candjî | candjî l’ côde wiki]Li novea-né doet esse rashiou al comene. Asteure, c' est l' docteur k' a-st acoûtchî li payelinne ki dene on papî ki waerantixh li djoû del nexhance.
Davance, on vleut pacô candjî li djoû do skepiaedje. Les efants vnous å monde li 31 di decimbe estént voltî diclårés li 1î d' djanvî. Portant, insi, i pierdént ene anêye a scole ey ås sôdårds, dijheut on.
Fwaire-pårt di skepiaedje
[candjî | candjî l’ côde wiki]Vocial sacwants tecses e walon di fwaire-pårt di skepiaedje :
- Lucyin a ratchté ene pitite båshele k' on lome "Souzane". Avou l' crijhe, c' esteut meyeumartchî... Freut spès la k' i s' piedreut, ci-la !!! Asteure : bråyes et faxhåds, moståde pattavå... (e moes d' djanvî 2010).
- Nosse pitite tchawete a-st arivé li 27 d' avri 2010; Zeliye vos dene radjoû amon nozôtes por vos fé conoxhance et lyi dire bondjoû. Si vos lyi vloz ofri ene bistoke, alez fé on toû so l' waibe "råvions_d'_efants.be".
- On-z est binåjhe di vs fé sawè k' ene pitite Laura a vnou å monde ouy tot å matén adlé nosse fi Colas (e moes d' djun 2010).
Alére
[candjî | candjî l’ côde wiki]J.J. Gaziaux : Amours walones pp. 772-776.
