Wikipedia:Kimint candjî ene pådje

Èn årtike di Wikipedia.
Potchî a: naiviaedje, cweri


Cist årtike esplike kimint fé po candjî ene pådje, dj' ô bén el ecråxhî avou do novea contnou, coridjî les flotches oudonbén candjî l' epådjnaedje.

C' est foirt åjhey a fé!

Vos ploz aler sol Terén d' djeu po fé vos sayes; c' est èn årtike sipeciå fwait esprès po les sayes, wice ki vos ploz scrire et candjî come vos vloz, sins peu d' må fé. Di totes manires, c' est todi possibe di rmete li modêye di dvant s' i fåt; do côp, n' åyoz nén peu di fé vos candjmints.

Li manire di fé les candjmints est l' shuvante:

  1. Clitchîz sol loyén Candjî l' pådje ki s' trove å dzeu ey å dzo di tchaeke pådje (c' est piron parey sol ké vos clitchîz).
  2. Vos voeroz adon aparexhe ene pådje avou on cåde d' aspougnaedje di tecse å mitan, avou l' tecse del pådje a candjî å dvins. Ci tecse c' est l' «côde wiki» del pådje k' esteut håynêye divant. Candjîz l' tecse, tapez vos radjouts, coridjîz les flotches... N' åyoz nén peu pol metaedje e pådje, on wikipedyin pus esperiminté les metrè-st e cogne s' i fåt.
  3. Clitchîz so Vey divant. Vos voeroz adon å dzo del boesse d' aspougnaedje, li pådje come ele serè håynêye påzès betchteus waibe. C' est todi ene boune idêye di vey divant po s' acertiner k' i gn a pont d' arokes di tapaedje, evnd.
  4. On côp k' vos avoz tot fwait, clitchîz sol boton Schaper l' pådje
  5. Vola, c' est fini, c' est asteure vost årtike ramidré k' on voet.

Li sintacse do «côde wiki» ki permete di mete e cogne li tecse si trove sol pådje Wikipedia:Côde wiki.