Wiyåme del Måtche
Wiyåme del Måtche ou Wiyåme di Lamark, sipoté li Singlé d' Årdene, c' esteut on bandiy do payis di Lidje e 15 inme sieke. Il esteut el tiesse di tote ene årmêye di cou-d'-prijhon ey il a djouwé on role politike tins des gueres disconte del Principåté et des Bourguignons, aprume cwand Lidje ridvént libe e 1477. Adon il a sayî di s' rinde mwaisse, siconte di Djhan d' Hône.
Dins les Belès letes e walon
[candjî | candjî l’ côde wiki]I va prinde li tiesse des Lidjeus k' alît branscater Hu e 1466.
... Cwand l' bea d' Lamark,
Åme di brigand sins cour metowe e-n ene pea d' leu
Prinda l' tiesse do mouvmint k' aveut si bén cansyî
I comprinda bénvite ki Raz, li grand majeur
Aléve a Hu po siervi s' mwaisse, li rwè Louwis
- «Batoz, tabeurs, sounez, clairons»
Breya l' Singlé tot mostrant l' pougn
Et s' loukeure, croixhante come ene lame
Fjha piede coraedje ås pus vigreus
- «K' on vude les cåves et les måjhons»
Loftreye, å no d' Louwis d' Bourbon
Plins come des basses, ridoxhant d' çanses et d' porvuzions
Li Singlé des Årdene et les coide di potince
ki Raze aveut payî d' avance
Cwitît l' veye tot fjhant l' cråmignon