Xhofrai

Les Xhofrais (dinltins, on djheut : «ezès Xhofrais»; asteure, on dit purade Xhofrai, prononcî la-minme Hofrê ^{aschoûtez lu}, F. Xhoffraix, almand Schoffrä), c' esteut onk des troes cwårtîs d' Bévurcé do tins do redjime prûsyin. Asteure, c' est onk des viyaedjes do Grand Måmdiy.

On djheut ossu «l' Amerike» pask' i fåt passer l' aiwe po-z î avni.

copete do clotchî (sins clotche)

Mwaissès dnêyes

• Lomaedje et spotaedje des djins did la:
  • Lomaedje des djins did la: Xhofurlin ^{aschoûtez lu}, Xhofurlinne (prononcî Hofèrlé ^{aschoûtez lu}, Hofèrline a Ôvîfa); (F. Xhoffurlain, aine)
  • Sipotaedje: les Courts cotrês (Côrts Cotrês).

Djeyofrafeye

Li viyaedje est côpé e deus pa ene aiwe. Li costé divant d' ariver a l' aiwe, tot vnant d' Måmdiy, c' esteut Xhofrai diçatrin, lomé asteure : li ptit viyaedje. Après passer l' aiwe, c' esteut Xhofrai dlatrin ki s' lome asteure, li Borbote.

Did la, on voet l' pisse di ski d' Ôvîfa.

• 
  pisse di ski veyowe di Xhofrai
• 
  bône del frontire
• 
  Tchapele Fichbaxh, a l' aschate des fagnes do viyaedje

Istwere

Li teritwere do viyaedje avou ses åjhminces (droet d' uzaedje des Xhofurlins sol Fagne walone, metans pol trouflaedje) a stî sol frontire inte li Beldjike eyet l' Prûsse (1816-1919). C' est dazår ci teritwere la k' aléve disca Herbôfay (no d' plaece), la k' est l' Tchapele Fichbaxh, a ene pixheye del Barake Mitchî.

Divant çoula, li minme frontire pårtixheut les troufires del Fagne inte li markizat d' Frantchimont (Principåté d' Lidje) la k' esteut Djalhé et l' Principåté di Ståvleu-Måmdiy (la k' esteut Xhofrai.

Dizo l' redjime prûssyin, Xhofrai esteut comene di Måmdiy, disca l' ahivaedje del comene di Bévurcé (1863), la k' ele va ndè divni ene des troes seccions.