Hanscroufe

noerixhaedje do vizaedje

noer fås-vizaedje

Hanscroufe ou Pere Fwetård ou li noer schove, c' est l' personaedje ki vént avou l' Sint-Nicolai. C' est s' vårlet, djans.

I doet fé sogne ås efants po k' i soeyexhe saedjes po-z aveur toplin des boubounes et des djodjowes.

Dins l' province di Lidje, li Hanscroufe rishonne å Hans Trapp d' Alzace.

Sourdance do personaedje

Po les Francès del Lorinne, Hanscrouf riprezintreut ene djin broûlêye a Mez (Metz) do tins do sidje del veye pa l' årmêye di Tchårlukin e 1552.

E l' Walonreye, c' esteut puvite on ramoneu, pask' i dveut passer divins les tchminêyes po-z apoirter les boubounes ås efants. Li djouweu s' dåboréve li vizaedje avou do maxhuron. Ou adon del hoye.

C' est dandjreus å 20inme sieke, avou l' askepiance do Congo bedje k' on l' a rprezinté come on noer. Et adon, mete do ciraedje so s' vizaedje. C' est aprume cisse figueure la k' a stî forbatowe, tot l' ametant d' raecisse.

Did la, li novea diguijhaedje di Hanscroufe, avou des noers mousmints et on noer fås-vizaedje.

Lomaedje dins des ôtes lingaedjes

On l' lome «Zwarte Piet» e neyerlandès, «Hansmuff» e l' almand ou ripouwaryin (do costé d' Neyåw et Cologne, todi); «Père Fouettard» e francès.

• 
  e-n on muzêye d' Alzace
• 
  Zwarte Piet veyou pa Felix Timmermans
• 
  item est i

Kesmessaedje sol personaedje di Hanscroufe

Loukîz a : Sint-Nicolai (fiesse)#Novelès dujhances sol fiesse ezès anêyes 2010

Hanscroufe riskêye di disparexhe, veyånmint k' il est ametou d' raecisse.

Si noer vizaedje est, sorlon bråmint des djins neyerlandès-cåzants eyet les sociås media, do raenoerixhadje, ossu lomé e-n inglès "blackface". Li raenoerixhadje, c' est cwand ene blanke djin s' gåyote el vizaedje e noer.