Cwåte di vizite
Ene cwåte di vizite, c' est ene pitite cwåte, sovint 9 so 5,5 cm lådje et hôte, k' ene djin k' est e handele u dins ene SNR dene a ses candes u ses cousses por zels li poleur atôtchî pus åjheymint.
Mwaissès dnêyes
[candjî | candjî l’ côde wiki]Li cwåte di vizite est scrîte dins l' lingaedje des candes, u li cmon lingaedje k' i comprindnut l' pus (sovint l' inglès po les boesses eternåcionåles).
Ene cwåte di vizite pout eto racsegnî so on tite, ene ancyinne plaece u ene ôte sacwè k' on ndè fir.
On pout eto mete si cwåte di vizite ås etermint et cwand on va dire si tchaplet po on moirt, po dire k' on-z î a bén stî.
So ene cwåte di vizite, gn a bén seur li no eyet l' mestî do ci (del cene) ki c' est da sinne, mins eto si (ses) adresse(s), limeros d' telefone, di fak (dispoy les anêyes 1960), si emile (dispoy les anêyes 2000). Di 1950 a 1970, on-z î pleut trover eto on limero d' telek.
Dispoy l' arivêye des bonmartcheyès scrireces dins ls anêyes 2000, gn a scwant djins ki fwaiynut zeles-minmes leus cwåtes di vizite å buro.
Cwåtes di vizite e walon
[candjî | candjî l’ côde wiki]Les scrijheus e walon (Françwès Nyns, Lucyin Mahin) fwaiynut tenawete des cwåtes di vizite e walon.