Brabant
On brabant, c' est ene tcherowe avou des rowes padvant, po poleur rôler so les voyes.
Li pus corant des brabants fourit, sins manke li dobe brabant, k' aveut on dobe schî et deus rîsses. Adon, on l' ritournéve al fén del roye, çou ki permeteut di tcherwer todi do minme costé, sins aler rcweri l' roye.
Po-z etertini les brabants, on l' fijheut rbate på marxhå
Cwand on tcherwéve èn ansinaedje, c' esteut les ptits schîs do brabant k' arindjèt l' ansene.
Les brabants estént saetchîs pa des tchvås (sovint ene cope). Cwand on-z a yeu les prumîs tracteurs, on-z a rarindjî les brabants po les fé aler sol rilevaedje. Gn aveut ene båre, po poleur ritourner l' brabant d' ashid sol tracteur.
Li mot "brabant", c' est ene måke di fabrike divnowe on cmon no.