Oraye-di-beguene

Des orayes-di-beguenes (on dit ossu : des tchitches, des tchitchons, des caetches, des ficotes), c' est des bokets d' peme k' on-z afeye après ene fiyeye et k' on mete souwer.

Istwere

C' esteut èn manire di wårder les pemes tot l' ivier.

On wårdeut sovint ene pitite plaece po lzès mete : li tchambe ås pemes.

On les magnive tot les rtchåfant e for : c' esteut «rimete les caetche e for», k' a divnou ene ratourneure po dire «si rmete eshonne, après ene brete».

Li tecnike a disparexhou après l' guere di 40, come bråmint des viyès manires di wårder l' amagnî. Di cåze di l' arivêye des frigos et des grands botikes.

Siervaedje imådjrece dins l' lingaedje walon

Mo des ratourneures vinèt di cisse dinrêye la :

• «rimete les caetches e for»
• «souwé come ene caetche»
• «clair come do brouwèt d' tchitches»
• «fé des tchitches avou l' trô di s' cou»
• «pouri come ene tchitche»
• «doirmi el tchambe ås pemes»