Håmustea

e l' Fåmene, e moes d' djun

Li håmustea u canistea, c' est ene plante dimey formagnante ki fwait des boles so les åbes dins les payis castinnixheus di tote l' Urope, et co pus lon.

Sincieus no d' l' indje : Viscum album

Mins gn a des ôtes sôres di håmustea

Discrijhaedje

Les raecinêyes s' agritchtèt dins li schoice di l' åbe et lyi pomper l' seuve.

Les foyes dimernut vetes di l' ivier, did la si valixhance rilidjeuse mon les Gålwès (gn aveut k' les drudes k' el polént aler code.

Did la ossu, si uzaedje decorrece al novelan, cwand on n' a pont di houssea.

• 
  a Pwetî (France) e mmoes d' fevrî
• 
  e l' Tchampagne, e moes d' avri

Vicaedje

Li canistea ni vént nén so les seurès teres di l' Årdene. Mins bén e l' Fåmene, å Condroz (do moens dins les fonds al canistele), e l' Gåme, e l' Tchampagne e l' France.

Mopliyaedje

C' est l' håmustrece, li grosse gréve, k' est sote après l' håmustea, k' elle è poite li no walon et sincieus ( Turdus viscivorus, magneuse di Viscum). C' est leye ki rseme les grinnes, k' ele ni sait didjerer, so èn åbe bråmint pus lon k' el prumî avou ses schites.