Fåmene

Li Fåmene, c' est ene longowe binde di tere metowe inte li Condroz al Bijhe, eyet l' Årdene a Nonne. Ele si prezinte come on trô inte ces deus contrêyes la.

Sacwantès rebanêyès comenes del Fåmene: Biarin, Måtche-el-Fåmene, Rotchfoirt, Houton.

Djeyografeye

A l' aschate di l' Årdene et del Fåmene minme, gn a ene sitroete binde di calistinne, k' on lome eto li Calistinne. C' est del boune tere. A Bijhe, djusse astok do Condroz, gn a des pus pôvès teres k' on lome li Setche Fåmene. Inte les deus, li Djerni, k' est on foirt bon payis.

Trô del Fåmene

• 
  des Batis d' Telin, viè Telin
• 
  des Batis d' Telin, viè Stegne
• 
  did dilé l' tchapele di Lorete, a Rotchfoirt
• 
  do dzeu d' Ambli, tot vnant d' Ardjîmont
• 
  do Condroz
• 

Dimorants

Lomaedje des djins k' î dmorèt: les Fåminwès (-esse).

Fåminwès et Årdinwès ni s' etindént nén. Sacwants spots ki les Fåminwès racontént so ls Årdinwès (k' estént pus pôves, et n' nén si bén magnî k' zels):

• Årdinwès, magneus d' crompires, magneus d' coirbås (ramexhné a Forire).
• Årdinwès, panse ås poes, magneus d' boleye, raletcheus d' coyire (ramexhné a Vencîmont) (la-minme: panse à pwès, mougneûs d' boulîe, ralètcheû d' kîe).

Plantes ki crexhnut voltî el Fåmene

Gn a des plantes ki s' veyèt bråmint dpus e l' Fåmene k' e l' Årdene pask' ele vinèt pus voltî so castinne.

åbes

• bwès d' poye
• tchinne d' ivier

bouxhons

• coignoûlî
• hamustea

coûtivêyès plantes

• luzere

Hårdêye divintrinne

• Djerni
• Calistinne
• Trôs d' Han