Lewin
On lewin, c' est on boket d' påsse levêye k' on wåde dins ene dresse po rsiervi d' yesse po fé do pwin li côp ki vént k' on cût.
Istwere[candjî | candjî l’ côde wiki]
Do tins del guere 40-45, les djins n’ aveut pont d’ leveures. Adon, ele fijhént on lewin.
Fé on lewin a pårti d' rén[candjî | candjî l’ côde wiki]
Po fé on lewin a pårti d’ rén, prinde 50 grames di farene di molén et 50 grames d’ aiwe di sourd. Les maxhî dins on bocå wårdé al timperateure del tchambe. Vos waitîz bén cwand çk’ ele kimince a bouyter (fé des ptitès bouyetes). Sovint après deus troes djoûs. Rimetoz co 50 grames di farene et 50 grames d’ aiwe, co on côp u deus, disca tant ki vs avoz assez po fé vosse pwin. I fåt conter cwénze djoûs po on bon lewin, fwait insi.
Pwins å lewin[candjî | candjî l’ côde wiki]
Les pwins å lewin si wårdèt bén pus lontins. I sont pus macasses ki les ki les pwins d’ boledjî. Il ont èn ôte gosse, ene miete pus seur. Mins i passèt mî (ça s’ didjere mî). On est pus vite ripaxhou avou ces pwins la, et gn a moens di soukes didins ki dins les ôtes pwins (adon, c’ est bon po les cis ki fjhèt redjime).[1]
