Responda
On responda (on eploye eto li calcaedje di l' inglès eterviou), c' est èn ovraedje di gaztî, la k' i va dmander totès sôres di kesses a ene rilomêye djin.
Li responda, c' est eto li mwaisse tecnike del sociolinwince.
Li responda n' est nén l' minme kel ploncaedje e l' opinion, la k' on n' dimande ki des kesses simpes, a ene cåkêye di djins.
Kékès dnêyes
[candjî | candjî l’ côde wiki]Li gaztî est lomé li dmandeu(se) (on dit eto: eterviouweu) et li ci k' on lyi dmande cwè et kesse: li respondeu (on dit eto: interviouwé).
Li gaztî mete cobén ådzo d' on responda: ramexhné pa (avou si no).
On responda del minme djin e minme tins pa ene troplêye di gaztîs, ça s' lome ene conferince respondrece.
Tecnike do responda
[candjî | candjî l’ côde wiki]Li gaztî va djåzer avou l' respondeu, et scrire les mwaisses idêyes des responses so ene foye di papî. Des cis k' i gn a, il eredjistrèt, mins ça prind dipus d' tins après po rmete so papî.
On responda di ene eure ene eure et dmey va dner on papî d' ene dimeye pådje di gazete.
Des politikîs u des gros, il evoyèt cobén ås gaztîs les kesses k' i vlèt k' on lzî dmande.
Si on gaztî s' a brouyî dins ses papîs, et fé dire å respondeu ene sacwè k' i n' a nén dit, i s' pout rtourner siconte di lu. Ça pout minme aler å tribunå.
L' eplaidaedje di respondas dins les gazetes e walon
[candjî | candjî l’ côde wiki]Droldimint assez, gn a måy yeu des respondas dins les gazetes e walon divant les anêyes 1990. Ene des prumires gazetes a aveur eplaidî des respondas, c' est Li Rantoele, dins si limero 2 d' ivier 1996-1997
Li Chwès a shuvou l' mouvmint.
El Bourdon a on côp eplaidî on responda da Willy Bal e walon, mins k' aveut stî fwait pal soce Li Coirneu di Hu.
Hårdêye difoûtrinne
[candjî | candjî l’ côde wiki]
so Wikisourd: Categoreye:Respondas (Pådje avou tos des tecses bastis sol piceure des respondas)