Ernest Fivet

Pol discramiaedje des årtikes avou l' mot « Fivet », loukîz cial.

Ernest Fivet a skepyî a Nameur li 23 d' nôvimbe 1894 ey a morou li 24 di decimbe 1973.

C' esteut on scrijheu e walon k' a bouté avou les Relîs Namurwès tot å cminçmint del soce.

Di s' mestî, il esteut fonccionaire al province di Nameur.

Ouve

Dins on scrît eplaidî li prumire anêye des Cayés walons, l' "Aviedje do Rampår" (1937, l° 5, pp 66-67, replaidî e 2013, l° 5, 119-122), i cåze di Nameur do trevén holandès.

Sacwants haeyimes inte Namurwès avént skepyî a cåze del Batreye di Brinne-l'-Alou, la k' sacwants Walons si batént avou Napoleyon Bonapåre et des ôtes avou les Otrichyins. Di ces-ci, end a k' avént rprins do siervice avou l' årmêye holandesse.

Come di djusse, gn a des efants des deus camps ki s' vont vey voltî. Ki s' pasrè-t al Revolucion bedje ?

Biyografeye

Sovnances di lu

Li Nesse Fivet, kî çki nel kinoxheut nén a Nameur eyou çk' il a vnou å monde et-z î mori.

Foiravant å goviernumint del Province, eyou k' il aveut gripé tos les schayons del schåle po-z ariver å dierin. Si-t aleure di djonne ome k' il aveut wårdé disca ses dierins tins: fén coir so deus djambes nierveuses k' on åreut dit montêyes a rsôrt, ou fwaites come po cori a velo. Lontins k' il a vnou travayî a tchvå so s' velo d' coûsse… avou on guidon «bodje-tu» lyi djheut on a môde di rizêye.

(…)

Mins intrans avou lu emon les Relîs. Dins s' måjhone di Salzene, il aveut lontins wårdé et tni li bibioteke des Relîs dins les demonêyès årmweres dissu èn apas d' montêyes.

Si-t air putoit serieus ni l' a nén espaitchî do-z emantchî bråmint des comedeyes k' on djowe co asteure, et des gaiys bokets di powezeye et d' prôze.