Joseph Brismé
Djobry / D'Jobri / Djobri
Joseph Brismé (di s' no d' pene, Djobri / Djobry / D'Jobri)[1]), c' esteut on scrijheu e walon ey on teyåtreu do Cinte.
Il a skepyî e L' Lovire e 1882.[2]
Il a morou e 1969.
Il est rprins dins l' Live Gaston Hoyaux so les scrijheus do payis del Lovire.
Ouve pol walon
[candjî | candjî l’ côde wiki]Dispu 1907, i rprinda des tecses di tos les scrijheus do payis deL Lovire, et les djouwer so li scanfår.
Lu-minme sicrijha purade des monolokes. Inte di zels:
- Elle coumère du djweu d'footbal (El comere do djouweu d' fotbal)
- In voyadje au Congo (On voyaedje å Congo).
- Schnieke.[2]
Onk di ses arimés
[candjî | candjî l’ côde wiki]El lwè disfind d' fé des batayes di coks.
Ça n' est nén bea; al råjhon, fåt î esse.
Mins pocwè don, est çk' on otorijhe co
A fé des gueres, a s' touwer come des biesses ?
Est çki les omes èn sont nén tot peurs frés
Ki sont maryîs, k' ont parints et famile ?
Pocwè adon ls evoyî s' fé touwer
S' bate conte n' onk l' ôte come des biesses e l' fureye
Si vs espaitchîz di fé bate les colåds,
Erclamez po n' pus laixhî bate les omes.
El guere, por mi, c' est l' pus grand d' tos les mås.
L' ci k' el fwait fé, i merite k' on l' assoume.[3]
Sourdants
[candjî | candjî l’ côde wiki]- ↑ Deus prumirès sillabes di Djôzef Brismé.
- ↑ 2,0 et 2,1 Motî Coppe
- ↑ Rimetou e rfondou avou kékes tchitchêyes po wårder l' pîtaedje; rimaedjes pierdous: batailles des cos / autorise co; famie / furie; hommes / assomme (ortografeye do Live Gaston Hoyaux so les scrijheus do payis del Lovire, dandjreus el mwaisse sicrijhaedje).