No d' pene
On no d' pene, c' est on no ki des scrijheus(es) k' i gn a prindèt po siner leus ouves. E walon, c' esteut sovint po k' on n' såye nén ki ces djins la scrijhént e walon, çou ki n' esteut nén bén veyou des anêyes et des razanêyes d' astok, aprume e 20inme sieke.
Li no d' pene est ene des sôres des fås nos.
Li no d' pene est cobén èn anagrame do vraiy no
Rilomés nos d' penes
[candjî | candjî l’ côde wiki]E walon
[candjî | candjî l’ côde wiki]Anagrames
[candjî | candjî l’ côde wiki]- Porti : anagrame do no d' famile da Jules-Joseph Pirot
- Aimé Quernol, anagrame do no et do ptit no da Léon Marique
Ôtes stîles
[candjî | candjî l’ côde wiki]Il ont sovint a vey avou l' provnance del djin
- Albert Lovegnée : si vraiy no esteut Albert Van Hemelrijk (dandjreus trop målåjhey a prononcî des lijheus do walon)
- Jacques Morayns : si vraiy no esteut Adolphe Gonda.
- Louline Voye : no d' pene da Lucien Mahin ki rapinse li såvadje no des djins d' Transene (les halenes, la-minme oulines).
- Maîsse Arsouye : no d' pene da Justin Cherton et da Yannick Bauthière, si ptit-fi.
- Lisa Chastelet : no d' pene da Élisa Wathelet, ki rapinse k' ele provneut d' Tcheslet.
- Michel du Tâ : Michel Dricot
E picård
[candjî | candjî l’ côde wiki]Mwints scrijheus e picård ont eto des nos d' pene. Metans, Maurice Carez k' î nd aveut troes a lu tot seu.