Maurice Georges
Maurice Georges, c' est on scrijheu e walon k' a skepyî a Rozire li 22 d' fevrî 1914. Il a morou li 31 di decimbe 2008.
Riprins dins l' antolodjeye Sicrijheus d' Årdene.
Di s' mestî, il esteut instructeu a l' årmêye tins del guere di 1940-1945 (did la, prijhnî e l' Almagne). Adonpwis, i moussa ås ACEC.
Ouve e walon
[candjî | candjî l’ côde wiki]Il a cmincî a scrire diviè 1975, ey esse eplaidî dins l' rivuwe «Singuliers».
E 1989, il a vudî on live di fåves å Muzêye do Pårlaedje e l' Årdene : «Les fåves da Fernand» (Lès flâwes da Fèrnand).
E 2004, il a rexhou a môde di sillabusse on motî walon-francès, li Motî del Hôte-Seure.
E 2006, il eplaide, todi å Muzêye do Pårlaedje e l'Årdene, «El fi do schayteu» (Èl fi do chayteû), on live foirt otobiyografike.
Hårdêye difoûtrinne
[candjî | candjî l’ côde wiki]- Si pådje so l' Aberteke
Li Wiccionaire si rsieve di sacwantès fråzes da Maurice Georges po-z enimådjî des mots k' i gn a.
