Motî walon-francès

Èn årtike di Wikipedia.
Potchî a: naiviaedje, cweri
Coviete do Motî Haust

On motî walon-francès, c' est on motî (u on motlî) ki dene les mots, po tos les tchamps do lingaedje walon, dins l' ôre alfabetike, et leu ratournaedje u leu-z esplikêye e francès. I dene eto les ratourneures la ki ç' mot la aparexhe.

Mwaissès acsegnances[candjî | candjî l' côde wiki]

Les pus gros motîs mosternut eto des egzimpes d' eployaedje do mot dins des fråzes u des bokets d' fråze.

Les motîs francès-walon sont les pus corants motîs walons. Disk' asteure, les mots sont prezintés e sistinme Feller, et on n' riprind ki les mots k' estént dits å 20inme sieke dins on metou viyaedje u ene coine dinêye del Walonreye.

Sacwants motîs dinèt l' etimolodjeye des mots.

Les motîs walon-francès sont sovint des lives, mins eto des simpes sillabusses (motî d' Nålene, di Bive, di Perwé, di Viêpe), u des tezes di studiants, k' on-z a totes les rujhes a trover (motî d' Andene).

Sacwants motîs ont parexhou a bokets dins des rvowes, come li motî d' Djivet, li motî d' Hu, u li ci di Courcele et Souvret.

Gn a eto des motîs walon-francès ki n' egzistèt ki come papîscrîts (motî d' Waime, motî do Tchestea da Haust et Goffinet, come fouyous (motî d' Warmich, motî do payis do Tchestea), come u come båze di dnêye (Motî d' l' Årdene nonnrece).

Po fini, gn a, totavå l' Walonreye, des pordjets d' motîs po des coines ki n' sont nén télmint studeyes, come li payis d' Oufalijhe, di Veskeveye envd. Mins ces pordjets la riskèt foirt di n' pont awè d' shûte, avou l' moirt des mwaisses diccionairîs.

Sacwants rlomés motîs coinreces walon-francès[candjî | candjî l' côde wiki]

Payis d' Lidje[candjî | candjî l' côde wiki]

On rashonnaedje di motîs walon-francès sicrîts avou l' accint walon do Levant, arindjîs come so ene mape del Province di Lidje

Payis d' Nameur[candjî | candjî l' côde wiki]

On rashonnaedje di motîs walon-francès sicrîts avou l' accint walon do Mitan, arindjîs come so ene mape des provinces di Nameur & Roman Payis

Coûtchant walon[candjî | candjî l' côde wiki]

Basse Årdene[candjî | candjî l' côde wiki]

Motîs walon-francès e rfondou[candjî | candjî l' côde wiki]

Motî Yoran Embanner walon di Yannick Bauthière eplaidî e 2009 pa Yoran Embanner

Gn a on motî so les fyis, li DTW (mins ki n' riprind kel cwårt des letes di l' alfabet).

L' esplicant motî do walon pout eto roter come on motî francès walon, veyanmint ki, po bråmint des intrêyes, gn a eto on ratournaedje e francès.

Hårdêye divintrinne[candjî | candjî l' côde wiki]

Sacwants rlomés motlîs walon francès

Hårdêyes difoûtrinnes[candjî | candjî l' côde wiki]