Adan ey Eve

Èn årtike di Wikipedia.
Potchî a: naiviaedje, cweri
prumire pådje divintrinne di l' årmonak walon del Samwinne di 1888, ki vout kel creyåcion d' Adam ey Eve soeye djusse 5891 ans viye.

Adan (u: Adam) ey Eve, c' est, sorlon les rlidjons djwive, crustinne et muzulmande, les deus prumirès djins k' ont stî askepieyes på Bon Diu, li setinme djoû del Creyåcion do monde.

Po les Djwifs et les Crustins, ciste istwere la est racontêye dins l' live del Djeneze.

L' evandjîle da … dene minme li stok di famile direk inte Adan ey Eve et Djezus-Cri. Insi, on trove co dins l' vî årmonak di Måmdey del fén do 19inme sieke li date do skepiaedje da Adan ey Eve, k' åreut stî di e 4007 divant Dj.C.

Po les Muzulmans, l' askepiaedje d' Adam ey Eve est dins l' Alcoran, el sourate …

Li croeyance al lete ås tecses di l' askepiaedje d' Adan ey Eve espaitche sacwants crustins (les creyåcionisses) et bråmint des Muzulmans a admete el teyoreye di l' evolucion.

Po les catolikes, c' est Theillard de Chardin k' a bråmint parvinou a fé accepter des idêyes da Darwin, et wårder evike li croeyance al creyåcion, tot voeyant les tecses imådjreçmint.

Tecse di l' askepiaedje d' Adan ey Eve dins l' Djeneze[candjî]

(deujhinme tchaptrê) 15 Ça fwait ki l' Bon Diu amoenna l' ome dins l' Eden por lu î dmorer, waitî dsu et ndè travayî l' tere.

16 Li Bon Diu derit a l' ome: «Vos poloz bén mindjî des fruts d' tos les åbes do djårdén.

17 Mins vos n' mindjroz nén di l' åbe del kinoxhance do bén et do må, ca l' djoû k' vos è mindjrîz, vos môrrîz.»

18 Adon, li Bon Diu derit: «Ça n' est nén bon po l' ome do dmorer tot seu. Dji lyi va fé ene aidance ki sereut come lu.»

(…)

21 Adon, li Bon Diu l' edoirma come ene sokete. Ene feye k' i fout evoye, li Bon Diu purda ene di ses coisses foû, et rserer l' tchå.

22 Adon, li Bon Diu candja l' coisse e cmere. Il amoenna l' kimere divant l' ome.

23 Ci-chal breya: «Ci côp ci, vola les oxheas d' mes oxheas eyet l' tchå di m' tchå. Leye, on l' lomrè feme, paski c' est foû di l' ome k' elle a stî prinjhe.»

24 Et c' est ça ki l' ome abandnêye si pa et s' man po s' mete avou l' feme: eshonne, i n' fijhèt pus k' onk.

25 Il estént miernous tos les deus, l' ome et l' feume, sins nd esse honteus.